I Versetti Biblici più popolari da Génesis 45

Condividi

Chömöledö, ötjönö mikwanö kwiyinaduwa omukwatö kwo̧'wo tjo̧bekwaduwökönuwi. Ja̧danö, ökwödödada kwomajadeduwi okwanöma labiduwökönuwi, dakwö sulabenö ja̧dinajö, jö̧ba̧lö. Isabenö yötawaduwakwö: Diosda bai chichobö weinobe ötjönöma ökwödö kwabönöduwi ökwödönö pjatatobö, 'yaba̧lö kwuju̧kwaduwobö.

Jo̧kwaobetjö̧ chömöledö, Diosda weinobe bai chichoböma, ökwödö weköbinaduwama̧kö̧. Ja̧danö, Diosma faraón ipjea luwo̧ baibanö ujuninobe ötjönöma, faraónnö pjabatö yötawobö. Diosda weinobe ötjönöma faraón ömöayedö tjuluwo̧bi, Egypto jojodö tjuluwo̧bi baibanö chö̧jobö.

Jo̧kwaobetjö̧, Diosma ötjönö baikwö weinobe kwabönöduwi kwö̧jibaduwinö pjatatobö. Jejenö ökwödötjö tupadanö jojodö tjö̧jakobetjö̧ weinobe Diosma ötjönöma.

Ikenama jwöbijetö jobadönö: —Yö̧ne ichibaduwi chömöledö— jwöawö̧ yö̧öne 'ya̧wibijadötö. 'Ya̧wibajadönö yöbawijetö Joséma: —Ötjöma ökwödö kwöjawo̧duwi Josésa. Ötjödasa Egiptobe 'ya̧nö baledajadönö mikwanö kwiyinaduwökwema.

Tjo̧wi̧ dötölataja a̧yo a̧wi̧chö̧lö̧ji̧ma baledinobe. Ja̧danö, ina bakwamu jawa a̧yo ja̧kobe. Tiböbi tiawökakobe, 'yeböbi 'yeawökakobe.

Ja̧danö, Joséma yöbawijetö öpöedönö: —Ötjöma kwö̧ja̧wo̧duwi Josésa. Chabe'doma ina 'yaba̧lo̧ji̧?— jö̧a̧liawö̧ öpöedöma yetjaibobetjö̧ wi̧inö ju̧kwijadötö.