I Versetti Biblici più popolari da Éxodo 5

Condividi

Ikenama Moisés, Aarón Egipto inesö la'aka luwo̧ faraón ö̧jobekwö 'ya̧jadö tebachö jobadötjö bakwo̧ yöba̧lijetö: —Duluwo̧, Israel jojodö tjösödökwe Diosma ökwönö weatö baikwö: Chömöledönö kakatakwawo jojodö deobekwö tji̧'yo ba'ali kwanö— jejenö yöa̧lökwe

Ökwö atebobö weköbina faraónnö atebaja̧ baikwöma jwiinö inia tjö̧tjinö baledinö weobe bidö kwömöledönöma. Ja̧danö, ja'yubebi tjö̧jibinö pjabatö̧kö̧ja— jöba̧lijetö Moisésma Isabenö Jo̧nöma.

Ikenama Moisésma yemidanö Isabenö Jo̧nö abebö a̧ja̧kwö 'yi̧jetö, ¿tajawedö? jö̧ba̧lö. Jöba̧lijetö: — Isabenö Jo̧ ¿tajawedö sulabenö baledinö weköbobeda bidönöma? Ja̧danö ¿tajawedö weköbobeda ötjönöma baikwö ichö bidönö pjatatobö?

—Jo̧ba Isabenö Jo̧ma ¿tida? Jo̧ba wei̧, Israel jojodönö kakatakwawo, jö̧ba̧lö, ¿cha̧ja̧kwiji̧? ¡Cha̧ja̧wökö! Jo̧ba, Isabenö Jo̧nöma wajwitökwe. Isabenö yöta̧la: Israel jojodönö katatakwawökakobe— yöba̧lijetö faraónma.

Jo̧kwaijayonö belö bloke tjotidinadanö ka̧achökwökönö tjotido weköbaduwodönö. Jobadöma 'du̧welöjiawö̧, ökwödönö webi jojodö deobekwö dösödökwe Diosnö juwö iyö di̧'yo, jö̧ba̧lö, jwöbeba̧lö atjeba̧lobe. Jo̧kwaobetjö̧ belö tjotidinemitjö̧ o̧penönö juluwanö tjotidobö weköbaduwodönö. Jejenö ba̧kwȩlö̧jatebö juluwanö tjotidobetjö̧ ¿dakwö tja̧ja̧kwobö tjömöledö omöna yötja̧li̧ma? Tja̧ja̧kwökena— webijetö faraónma Israel jojodönö webadönöma. Jejenö weawö̧