I Versetti Biblici più popolari da من حكمة النبي سليمان 3

Condividi

توكَّل عاللّه يا إبني، وثاق فيه من كلّ قلبَك، وما تعتمد عفِهمَك. حاوِل بكلّ طُرُقَك تتعرَّف عالعليّ العظيم، وهوّ بيِهديك عالصراط المستقيم.

لا تشوف حالَك وتتباهى إنّك راشِد وفهيم، ولكن اتّقِ ربَّك، وابعود عن الشّر والعمل اللئيم.

كرِّم ربَّك وأعطِ من مالَك، ومن أجود إنتاجَك. وبوقتا بتِنْتِلي مخازنَك قمح وشعير، وبتفيض معاصرَك عصير.

خلّي الأمانة والوفا جنبَك، حْفَظُن جوّاتَك، أسلوبَك ونهجَك.

يا إبني، لا تستخِف لمّا اللّه يدلَّك عالصحّ، ولا ترفُض تأديبُه. لانُه اللّه بأدِّب الّي بحبُّه، متل ما بيعمُل الأب مع إبنُه حبيبُه.

يا إبني لا تنسى شو علَّمتَك، حْفاظ توصياتي عن ضهر قلبَك. لأنّه بتعيش عيشة هنيّة، وبْيِطوَل عمرَك.

هنيئاً ليلّي عالحكمة وصِل، وليلّي عالفِهِم حُصِل. لأنُّه الحكمة أكتر من الفضّة والدهب مكْسَبها، أغلى من الجواهر والزينه، وكلّ كنوزَك الثمينة، ما بتعادِلها.

يا إبني، لا تمنَع الخير عن أهلُه، إذا طالِع بإيديك تعملُه.

فربّنا خلق الأرض بحكمتُه، ورفع السماوات بمعرِفتُه.