I Versetti Biblici più popolari da من الإنجيل – عن لوقا 3

Condividi

وبينما كان النبي يحيى عم بطهّر كلّ الناس بالميّ، وقتا إجا سيّدنا عيسى عشان يتطّهر متلُن، ولمّا قام يصلّي انشقِّت السما وحلّ روح الله عليه على هيئة حمامة ونادى صوت من السما بقول: "إنت الحبيب، الإبن الروحي إلي يلّي رضيت عليك كلّ الرضى".

بس جاوبُن يحيى (عليه السلام) وقلُّن: "أنا واجبي بس طهِّركُن بالميّ، يلّي رح يجي من بعدي هو حدا مقامُه أعلى منّي بكتير وأنا ما بوصل لمستوى كون خادمُه وفكّلُّه صندلُه! هوّ يلّي رح يطهّركُن بروح الله أو بحطكّن بالنار!

توبوا توبة صالحة وما تفكروا إنكُن معفيين من غضب الله عليكُن بس لإنكن من "سلالة النبيّ إبراهيم"، بتكونوا غلطانين ومش رح تستفيدوا، فالله قادر يعمل من الحجارة ولاد لإبراهيم!

لازم تعرفوا منيح إنّه غضب الله بينزل متل الفاس وبيقطع الشجر يلّي ما بتعطي ثمر من جذورُه، وإذا كنتو متل هالشجر فالله رح يقطعها ويرميها بنار جهنّم!"

وهالشي كان تحقيق لنبوّة مكتوبة علسان النبيّ إشعيا (عليه السلام) بتقول: "رح يجي صوت ينادي بالبريّة ويدعي الناس يحضّروا حالُن للمولى، ويهيئوا الطريق لأنّه جاية ملك عظيم، كرمالُه علّوا الوديان ووطّوا الجبال، جَلّسوا الطرقات العوجة ومهّدوا الوعرة. وكلّ البشر رح تشوف كيف الله سبحانُه رح ينجّيهن."