I Versetti Biblici più popolari da كورنتوس الأولى 13

Condividi

المحبّة بتخلّي الإنسان يصبر ويكون مُشفِق عالناس، ما بيِحسُد، ما بيِتباهى، وما بيِتكبّر. وما بقلِّل أدب، ولا بكون مصلحجي، ولا عصبي متهوِّر، ولا حقود.

ما بكلّ ولا بملّ إنّه يغطّي على عيوب الناس، وبضلّ عندُه ثقة فيهُن، عندُه أمل عطول، وبيتحمّل كلّ شي.

وما بيفرَح بالظلم، ولكن بيفرَح بالحق.

بإختصار، بس هالتلاتة هنّ الدايمين: الإيمان، والأمل، والمحبّة، ولكنّ أعظمهُن هيّ المحبّة.

المحبّة أبداً ما بتزول، أمّا الهبات التانية متل النبوءة فرح تُبطَل، والتكلّم بلغات رح توقَف، والمعرفة رح تُبطَل.

لو الواحد بيحكي بكلّ لغات العالم والملايكة، وما عندُه محبّة، فحكيُه علفاضي، متل النحاس بطنّ ومتل الجرس برنّ.

ولو كان عندُه هبة النبوءة وبيعرِف كلّ الأسرار، وكلّ المعارِف، ولو حتّى عندُه قوّة إيمان بتنقُل جبال، وما عندُه محبّة، فما إلُه مكانة عند ربُّه.

ولو تصدّق بكلّ أموالُه لإطعام المساكين، أو قدّم حالُه ضحّيّة بكلّ فخر، وما عندُه محبّة، فما بيربَح شي.

مثلاً، لمّا بِكون الواحد طفل، بيحكي كطفل، وبيِفهَم كطفل، وبِفكِّر كطفل. ولكن لما بصير كبير فبيِترُك تصرّفات الأطفال.