I Versetti Biblici più popolari da ENTANDIKWA 45

Condividi

Era kaakano temunakuwala, wadde okwesunguwalira olw'okuntunda muno, kubanga Katonda ye yansindika okubakulemberamu mmwe, okuwonya obulamu bw'abantu.

Kale nno si mmwe mwansindika muno, wabula Katonda. Era yanfuula nga kitaawe wa kabaka w'ensi eno, alabirira ebibye byonna, era omukulu afuga ensi yonna ey'e Misiri.

Katonda yansindika okubakulemberamu mmwe, mulyoke mukuumibwe nga muli balamu ku nsi, n'okubawonya mmwe, ne bazzukulu bammwe mu ngeri eyeewuunyisa.

Yosefu n'agamba baganda be nti: “Musembere we ndi, mbeegayiridde!” N'agamba nti: “Nze Yosefu muganda wammwe, gwe mwatunda mu Misiri.

Enjala yaakamala mu nsi emyaka ebiri, ng'ate wakyasigadde emyaka emirala etaano, gye batagenda kulimiramu, wadde okukunguliramu.

Yosefu n'agamba baganda be nti: “Nze Yosefu. Kitange akyali mulamu?” Naye baganda be ne batya nnyo, okulaba nga bayimiridde mu maaso ge, ne batasobola kumuddamu.