I Versetti Biblici più popolari da Markos 14

Condividi

Unkan heya; Abba, Ate, niye ekta taku owasin okihipica; wiyatke kin de emiciyaku wo; tuka miś taku wacin kin hee kte śni, taku yacin kin he hecetu kta.

Kiktahan unpi qa cekiya po; okinni taku wawiyutanyan un kin en yaipi nun ce; wicanagi kin he awicakehan wicada, tuka wicaceḣpi kin waśake śni.

Awicakehan heciciyapi; Maka kin owancaya tukten wotanin waśte kin de oyakapi kinhan, winoḣinca kin de nakaha taku econ kin he oyakapi kta, wokiksuye kta e heon.

Qa hewicakiya; Minagi nina iyokiśice ḣinca, maṭe kta iyececa; den yukanpi qa waktaya un po.

Unkan wotapi icunhan Jesus aguyapi icu, yawaśte, qa kiyuśpa, qa wicaqu, qa heya; Icupi qa yuta po; mitancan kin he dee.

Nakun wiyatke kin icu; qa yawaśte hehan wicaqu. Unkan owasin etanhan yatkanpi. Unkan hewicakiya; Wicotakuye teca kin en, mawe kin he dee, wicota on papsonpi.

Hehan Jesus hewicakiya; Hanyetu kin de miye on iyuḣpa niḣicahanpi kta; kaken wowapi en kagapi qon, Waawanhdake kin he awape kta, hecen taḣinca wanunyanpi kin mdecahanpi kta ce.

Najin po, unyanpi kta; iho, tuwe mahnaye cin he wanna kiyedan u ce.

Unkan Jesus heciya; Awicakehan heciciya; Anpetu kin de, hanyetu kin de en, anpaohotonna nonpa hoton śni, ecen yamni akihde anamayakiḣbe kta.