I Versetti Biblici più popolari da मलाकी 3

Condividi

सारे दशमांश भण्डार म्ह ले आओ के मेरे भवन म्ह भोजन की चीज रहवै; अर सेनाओं का यहोवा न्यू कहवै सै, के इसा करकै मेरे ताहीं परखो के मै अकास के झरोखे थारे खात्तर खोलकै थारे उप्पर अपरम्‍पार आशीष की बारिस करुँ सूं के न्ही।

मै थारे खात्तर नाश करण आळे नै इसा झिड़कूंगा के वो थारी धरती की उपज नाश न्ही करैगा, अर थारी दाखलता के फळ कच्‍चे ना गिरैंगे, सेनाओं के यहोवा का योए वचन सै। फेर देशां के लोग थमनै धन्य कहवैंगे, क्यूँके थारा देश मनोहर देश होवैगा, सेनाओं के यहोवा का योए वचन सै।

सेनाओं का यहोवा न्यू कहवै सै, “जो दिन मन्‍नै ठहराणा सै, उस दिन वे माणस मेरे बलके मेरे खास भाग ठहरैगें, अर मै उनतै इसी कोमलता करुँगा जिसी कोए अपणे सेवा करण आळे बेट्टे तै करै। फेर थम मुड़कै धर्मी अर दुष्ट का भेद, यानिके जो परमेसवर की सेवा करै सै, अर जो उसकी सेवा न्ही करदा, उन दोनुआं का भेद पिच्छाण सकोगे।”

सेनाओं के यहोवा नै उत्तर दिया, “देक्खो, मै अपणे दूत नै भेज्जू सूं, अर वो मेरै आगै के राह नै सुधारैगा, अर प्रभु, जिसनै थम टोह्वो सो, वो चाणचक अपणे मन्दर म्ह आ जावैगा; हाँ करार का वो दूत, जिसनै थम चाहो सो, सुणो, वो आवै सै, सेनाओं के यहोवा का योए वचन सै।”