I Versetti Biblici più popolari da यहेजकेल 34

Condividi

मै खोई होई नै ढूँढ़ूगा, अर लिकाड़ी होई नै बोहड़ा ल्याऊँगा, अर घायल के घाव नै बाँधूँगा, अर बीमार नै ठीक करुँगा, अर जो मोट्टी अर ताकतवर सैं उननै मै नाश करुँगा; मै उनकी चरवाही न्याय तै करुँगा।”

जिस तरियां पाळी अपणी भेड़-बकरियाँ म्ह तै भटकी होई नै बोहड़ा कै अपणे झुण्ड म्ह मिला लेवै सै, उस्से तरियां मै भी अपणी भेड़-बकरियाँ नै मिलाऊँगा; मै उननै उन सारी जगहां तै लिकाड़ ले आऊँगा, जड़ै-जड़ै वे बादळ अर घोर अन्धकार के दिन तित्तर-बितर होगी हों।

“क्यूँके परमेसवर यहोवा न्यू कहवै सै, देक्खो, मै खुद ए अपणी भेड़-बकरियाँ का ख्याल राक्खूँगा, अर उननै ढूँढ़ूगा।

मै खुद ए अपणी भेड़-बकरियाँ का पाळी होऊँगा, अर मै आप्पे उननै बिठाऊँगा, परमेसवर यहोवा की याए वाणी सै।

थम तो मेरी भेड़-बकरियाँ, मेरी चराई की भेड़-बकरी हो, थम तो माणस सो, अर मै थारा परमेसवर सूं, परमेसवर यहोवा की याए वाणी सै।”

“हे माणस की सन्तान, इस्राएल के पाळीयाँ कै बिरुध्द भविष्यवाणी करकै उन पाळीयाँ तै कह, परमेसवर यहोवा न्यू कहवै सै: हाय इस्राएल के पाळीयाँ पै जो अपणे-अपणे पेट भरै सैं! के पाळी नै भेड़-बकरियाँ का पेट न्ही भरणा चाहिए?