I Versetti Biblici più popolari da Miqueas 4

Condividi

Wakin marka runakuna diosninkunaman yärakuptinpis noqantsiqa munayniyuq TAYTA DIOSNINTSIMAN imaypis yärakärishun.

Tsaynölami Sión jirkanpita TAYTA DIOSPA yachatsikuyninta maytsaymanpis apapäkunqapaq. Jerusalénpita patsami palabranta wilakärinqapaq. Maytsay nacionpitami runakuna Jerusalénman aywaykur kayno nipäkunqapaq: <<Lapanintsi witsäshun TAYTA DIOS akrashqan jirkanman. Jacobpita miraq runakuna yärakushqan TAYTA DIOSPA templunman yaykushun. Tsaychömi kikin yachatsimäshun mandamientunkunata imano cumplinantsipaq kashqantapis. Tsaynöpami pay munashqanno lapantsi kawashunpaq>>.

Shamuq watakunachömi TAYTA DIOSPA wayin kaykashqan jirkanqa wakin jirkankunapita mas respitashqa kanqapaq. Tsaymanmi maytsay nacionpitapis runakuna aywapäkunqa Tayta Diosta adorapäkunanpaq.

Atska nación runakuna chikinakäriptinpis TAYTA DIOSMI arreglanqapaq. Tsay nacionkuna jatun kaptinpis y mayjina karucho kaptinpis paymi juzganqapaq. Juk markawan juk marka guërrata manami ruranqanatsu. Maytsaychöpis runakuna espädanpita rëjantanami ruratsipäkunqa. Lanzanpitanami ösita ruratsipäkunqa. Guërracho pelyananpaqpis manami kamarikunqanatsu.