I Versetti Biblici più popolari da Gálatas 3

Condividi

Itsanqa tsay leykunata cumpliyta mana kamäpakurmi maldicionädu karqantsi. Tsaymi noqantsipa trukantsi maldicionädu runano wanur Jesucristo salvamashqantsi. Tayta Diospa palabranchöpis kaynömi qelqaraykan: <<Pï runapa ayanpis qerucho warkaraptin maldicionashqami kanqa>>.

Tsaymi Israel runa karpis mana Israel runa karpis, ashmay karpis mana ashmay karpis, olqu karpis warmi karpis Jesucristucho karqa Tayta Diospa wamranna karkaykantsi.

Tsaynöpis Jesucristuta chaskikur Abrahampita miraqnami kaykantsi. Tsaynöpami Abrahamta Tayta Dios promitishqanta noqantsipis chaskintsi.

Jesucristupis tsayno wanurqan Abrahamta Tayta Dios promitishqan bendicionta mana Israel runakunapis chaskikärinanpaqmi. Tsaymi Jesucristuman yärakur Tayta Dios promitishqan Espíritu Santuta chaskikuntsi.

Tsayno kaykaptinqa Moisés qelqashqan leykunawanqa manami mayqanpis salvakunqatsu. Tsaypa trukanqa Tayta Diospa palabrancho kaynömi niykan: <<Munashqäno kawaq runaqa noqaman yärakamarmi kawanqa>>.