I Versetti Biblici più popolari da Сыкадыипэ́н 5

Condividi

И ёнэ багандлэ нэви́ гилы́, пхэни́: “Ту сан мол тэ прилэс кадава́ сви́тко и тэ отпхандэс чэргэнорья (печати), пал-дова́ со Ту са́нас зачхиндло́ и Ту выкиндян манушэ́н ваш Дэвлэ́скэ Пэ́скирэ ратэ́са кажнонэ́ екхэ́-чиба́кирэ ирья́тыр (сэм΄я́тыр) и кажнонэ́ родыцо́стыр, и манушытконэ́ нацыя́тыр и кхэритконэ́ родо́стыр.

и ёнэ ракирдэ́ зоралэ́ заня́са: “Свэ́нто Бакроро́ исын мол, Саво́ сыс мулякирдо тэ прилэл зоралыпэ́н и барвалыпэ́н и зор, и паты́в, и сла́ва и манушэ́нгиро шарибэ́н.”

И Ту кэрдя́н лэ́ндыр раша́нгиро Кралипэ́н, савэ́ явэ́на тэ кралинэн пэ пхув.”

И мэ шундём, сыр кажно джидало, савэ́с Дэвэ́л создыя́, саво́ исын дро Болыбна́скиро Раё, пэ пхув и тэл пхув, и пэ мо́рё (дэрья́в), и саро́, исын андра́л дрэ лэ́ндэ, пхэнэнас: “Одолэ́скэ, Саво́ исын пэ троно, и Свэнтонэ́ Бакрорэскэ, мэк тэ явэ́л шарибэ́н, и паты́в, и сла́ва и зоралыпэ́н пэ вечна ве́ки.”

И екх годэпхурэндыр пхэндя́ ма́нгэ: “На ров! Дыкх! О Шчэр (Ле́во) Юда́скирэ родо́стыр, Давидо́скирэ ратэстыр, сэмэ́нца, лыя́ упралыпэ́н, соб (кай)/ёв тэ дэл ра́да тэ отпхандэл сви́тко и лэ́скирэ эфта́ чэргэнорья.”