I Versetti Biblici più popolari da तोलिङ्‌सोमु 17

Condividi

अब्राम्‍मिन् फाङ्‌बोङ्‌ङाङ् फाङ्‌सि तङ्‌बे के़रे़ल्‍ले़, यहवे दाङ्‌बान् खुने़ॽओ ओसेःन्‍धाक्‍सिङ्‌ङाङ् मे़त्तु, “आङ्‌गाॽ मुक्‍साम्‍दाङ्‌बा निङ्‌वाॽफुमाङ्‌आ॥ आङ्‌गाॽ आदगाङ् लाङ्‌घेगे़ॽ, हे़क्‍क्‍याङ् फोत्‍या मेःन्‍ने वये़ॽओ॥

आल्‍लआङ्‌धो खे़ने़ॽ के़मिङ् अब्राम मेःन् कर अब्राहाम पोङ्‌लो, थेआङ्‌भे़ल्‍ले़ खे़ने़ॽग यरिक् मे़न्‍छाम् सुवाङ्‌हाॽरे़ खुनिॽ पानुदिङ् पा चोःक्‍ने़रो॥

“खे़ने़ॽ नु खे़ने़ॽ के़एगाङ् ताःन्‍दि के़बोङ्‌बा के़मुइदाङ्‌साहाॽरे़ खुन्‍छिॽ निङ्‌वाॽफुमाङ् पोङ्‌से़ आमाङ्‌हुप्‍पिन् आङ्‌गाॽ नु खे़ने़ॽ के़एगाङ्‌बा के़मुइदाङ्‌साहाॽ लुम्‍मो सदादिङ् चोगुङ्‌लो॥

“ओमत्ते़ॽ, खे़ने़ॽनु आङ्‌गाॽ चोगुङ्‌बा माङ्‌हुप्‍पिन् हाबा कन्‍लो॥ खे़ने़ॽ यरिक् मे़न्‍छाम् सुवाङ्‌हाॽरे़ खुनिॽ पानुदिङ् पा के़बोङ्‌लो॥

खे़ब्‍याङ् निङ्‌वाॽफुमाङे़ल्‍ले़ मे़त्तु, “ओबे़, कर खे़ने़ॽ मे़ल्‍लिङ्‌गे़न् के़मेःत् साराःल्‍ले़ए खे़ने़ॽ के़लागि ये़म्‍बित्‍छा साधिक् कत्तु के़बि, हे़क्‍क्‍याङ् खे़ने़ॽ खे़न् इसहाक मिङ् के़वाःत्तुरो॥ आङ्‌गाॽ खे़न्‍नु हे़क्‍क्‍याङ् खे़न् याङ्‌सि के़बोङ्‌बा खे़ल्‍ले़ कुमुॽइदाङ्‌साहाॽनु आमाङ्‌हुप्‍पिन् सदादिङ्‌ले़ लागि युक्‍सिङ् चोगुङ्‌ॽ॥

खे़ने़ॽ के़युङ्‌बा कन् के़रे़क् कनान लाजेन् खे़ने़ॽ नु ताःन्‍दि के़दाबा के़मुइदाङ्‌साहाॽ सदादिङ्‌ले़न् युक् कुइसिक् पिनिङ्‌ॽ, हे़क्‍क्‍याङ् आङ्‌गाॽ खे़ङ्‌हाॽरे़ खुनिॽ निङ्‌वाॽफुमाङ् पोङ्आरो॥”

हे़क्‍केःल्‍ले़ अब्राहाम्‍मे़न् अःक्‍खुम् फन्‍छिङ्‌ङाङ् कुनिङ्‌वाॽओ एरे़र पाःत्तु, “किप् थिक् तङ्‌बे के़गे़प्‍पे़ल्‍ले़आङ् सा कत्तुबि? फाङ्‌बोङ् तङ्‌बे के़गे़प्‍मा साराःल्‍ले़ सा कत्तुबि?”

निङ्‌वाॽफुमाङ्‌ङिल्‍ले़ अब्राहाम्‍मे़न् मे़त्तु, “मे़ल्‍लिङ्‌गे़न् के़मेःत् साराइन् आल्‍लआङ्‌धो साराइ मे़मे़त्ते़न्‍ने़ॽ, कर खे़ल्‍ले़ कुमिङ् सारा पोङ्‌लो॥

खिनिॽ हर्दो के़हे़गुम्‍ल पोङ्॥ आङ्‌गाॽ नु खिनिॽ लुम्‍मो के़बोङ्‌बा माङ्‌हुप्‍पिल्‍ले़ मिक्‍सेन् हाबा कन् पोङ्‌लो॥

कर आङ्‌गाॽ इसहाक्‍के़न्‍नुए माङ्‌हुप् चोगुङ्‌लो, खे़ङ्‌ग आत्‍ने़म्‍मा हाबा कन् ये़म्‍मो साराःल्‍ले़ सा कत्तुरो॥”

ताःन्‍दि के़दाबा खिनिॽ थाःक्‍थाःक्‍को थारिक् ये़म्‍बित्‍छासा वाॽबा ये़त्‍छि ये़न् के़त्तिल्‍ले़ हर्दो मे़हे़गु मे़बिरुसिर पोङ्॥ हे़क्‍क्‍याङ् खिनिॽ हिम्‍मो सागे़वाःन्‍छिङ्‌बा खिनिॽ सासि मे़ःन्‍छिसाङ्, वेॽ लाजेॽलाम् इङ्‌मना ताःप्‍नासिबा से़वारोबाहाॽ नु खे़ङ्‌हाॽरे़ खुन्‍छिॽ साहाॽआङ् सामे़वाःन्‍छिङ्‌बा एगाङ् हर्दो मे़हे़गु मे़बिरुसिर पोङ्॥ के़हिम्‍मो सागे़वाःन्‍छिङ्‌बासाङ्, कुमे़न् हुङ्‌मनाआङ् इङ्‌मना ताःप्‍मनाबासाङ् हर्दो मे़न्‍हे़क्‍के वाॽने़फग्र हर्दो हे़क्‍मा पिमा पोङ्॥ अक्‍खेलॽरिक् आमाङ्‌हुप्‍पिन् खिनिॽ नासिगे़न् थक्‍को थाःक्‍थाःक्‍को ताःन्‍दि थारिक् वाॽररो॥