I Versetti Biblici più popolari da ᒪᑎᔪᐤ 28

Condividi

ᐅ ᒪᒃ ᐅᒋ ᒪᒋᒄ ᓂᑐᐛᐱᒪᐧᑯᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐ ᐃᑐᑐᐛᑯᒡ ᒐᒋ ᐅᒋᔅᒋᓄᐊᒧᐛᑭᓂᔭᓐ, ᒐ ᓯᑲᐃᑐᐛᑯᒡ ᐅᑦ ᐃᓯᓂᐧᑲᓱᐅᓂᔪᐤ ᐅᑕᐎᒪᐛ ᑭᔭ ᐅᑯᓯᓯᒪᐛ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᑭᔭ ᒐ ᒋᔅᑯᑎᒧᐛᑯᒡ ᒐᒋ ᓂᓇᐃᑕᒡ ᒥᓯᐛ ᑕᓐ ᑲ ᐃᑎᓱᒥᑎᑯᒡ᙮ ᒧᔅ ᒪᒃ ᒋᑭ ᐎᒐᐅᑎᓇᐛᐤ ᐱᐃᒻ ᐊᑎ ᐃᔎᐱᔨᒐ ᐊᔅᒋᔾ᙮”

ᐊᑯ ᒂ ᓇᑎᑯᒡ ᒋᓴᓴ ᒂ ᐃᑎᑯᒡ, “ᓂᒋ ᒥᔨᑯᐅᓐ ᓂᔾ ᓇᔅᒡ ᒐᒋ ᐅᒋᒪᐧᑲᑎᒪᓐ ᒋᒋᒋᓯᒄ ᑭᔭ ᐊᔅᒋᔾ᙮

ᐊᑯ ᐊᓐ ᐊᓐᒋᓐ ᒂ ᐃᑕᑦ ᐊᓂᔭ ᐃᔎᐛ, “ᐊᑲᐎᔾ ᑯᔅᑕᒋᒄ, ᒋ ᒋᔅᒐᔨᒥᑎᓇᐛᐤ ᐊ ᓇᓂᑐᐛᔨᒪᒄ ᒋᓴᔅ ᐊᓐ ᑲ ᒋᔅᑕᔎᑕᑭᓄᐅᑦ᙮ ᓇᒪ ᑕᐤ ᐅᑕ, ᐛᔅ ᒋ ᐅᓂᔅᑲᐤ ᒧᔭᒻ ᑕᓐ ᑲ ᐃᔅᒋᔄᑦ ᒐ ᐃᑎᑦ᙮ ᐸᑐᑕᒄ ᐸᒋ ᑭᓄᐛᐸᑎᒺᐧᒄ ᐊᓐᑕ ᑲ ᐱᒥᓯᒪᑭᓄᐅᑦ᙮

ᐊᑯ ᒋᓴᔅ ᒂ ᐃᑕᑦ, “ᐊᑲᐎᔾ ᑯᔅᑕᒋᒄ, ᐎᑎᒪᐧᑯᒡ ᓂᐧᑲᓂᓯᒡ ᑲᓕᓕᒡ ᒐᒋ ᐃᑐᑕᒡ, ᐊᑯᑕ ᐊᓐᑕ ᒐ ᐛᐱᒥᒡ᙮”

ᐊᑯ ᐊᓐᒡ ᑲ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᐃᔪᐛ ᒂ ᒪᒧᐎᒡ ᐊᑯ ᒂ ᐎᔭᔨᑕᒡ ᑕᓐ ᒐ ᐃᑎᒡ᙮ ᒋ ᒥᔅᑎ ᒥᔭᐅᒡ ᒪᒃ ᓱᓇᔭᔪᐤ ᐊᓂᔭ ᐊᓯᒪᑭᓂᓴ᙮ ᐊᑯ ᐊᓐᒡ ᑲ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᒂ ᐃᑕᒡ ᐊᓂᔭ ᐊᓯᒪᑭᓂᓴ, “ᒐ ᐃᑕᑯᒡ ᐊᐛᓐᒋ, ᑕᐱᔅᑲᒡ ᒪᒂᒡ ᑲ ᓂᐸᔭᒡ ᐅᒋᔅᒋᓄᐊᒧᐛᑭᓐᒡ ᒋᒧᑦ ᒋ ᐸᒋ ᓂᑐᐛᐸᑎᒧᐛᐅᒡ ᐊᓂᔭ ᐎᔭᔪᐤ, ᐊᑯ ᒂ ᔅᑐᑕᐛᒡ᙮ ᐸᑕᒐ ᒪᒃ ᐅᔭ ᐊᓐ ᒋᓴᐅᒋᒪᐤ, ᓂᑭ ᓴᐧᑯᒋᒪᓇᓐ ᐊᑲ ᒋᔨᐛᐤ ᒐᒋ ᐊᑕᒪᔨᒥᑯᐅᔭᒄ, ᒋᑭ ᒥᔪᐱᔨᐃᑎᓇᓐ ᐊᑲ ᒐᒂᓐ ᒐᒋ ᐃᑐᑕᑯᐅᔭᒄ᙮” ᐊᑯ ᐊᓐᒡ ᐊᓯᒪᑭᓂᓯᒡ ᒂ ᐅᑎᓇᒡ ᐊᓂᔭ ᓱᓇᔭᔪᐤ, ᐊᐅᑯᓐ ᒪᒃ ᒂ ᐃᑎᒡ ᐊᓂᔭ ᑲ ᐃᑎᓱᒪᑭᓄᐎᒡ᙮ ᐅ ᒪᒃ ᑎᐸᒋᒧᐅᓐ ᐊᐅᑯᓐ ᑲ ᐃᓯ ᑎᐸᒋᒧᔅᑐᐛᑭᓄᐎᒡ ᒍᐤ ᐃᔪᒡ ᐅ ᒪᒂᒡ ᑭᔭ ᐊᓄᒡ ᑲ ᒋᓯᑲᒡ ᐊᔅᒄ ᐊᐅᑯᓐ ᐊ ᐃᑕᑭᓄᐎᒡ᙮