I Versetti Biblici più popolari da Pula 7

Condividi

Nikiɗi woosa Musaa ne : « Marka ! Ŋ tumiɗ ɗa fu mand findi Kooh ŋ fiki Firawna, yakak fu Aaruna a yi na hee nike findi woosuuɗiŋ ɗa.

Ŋ hey ndengɗe keeñiŋ ɗe, te ŋ ruhsiɗ firnde na keemaan laayiɗ ŋ Misra ; waaye a sikɗukanɗi ɗu. Ŋ hey teeɓohe hatiliŋ yaahiŋ ngo ŋ Misra, ŋ deg ɓa miskiɗ laayiɗ te ŋ puliɗ cuuɓiŋ ngo, Israayel ci, ŋ kur kiŋ ɗe, wa hun cuuɓ cuuɓ.

Ŋ raɗis yaahiŋ ngo, ŋ deg ɓi Misra wa, ŋ puliɗ Israayel ŋ kur kiŋ ɓa ɗah, ɓi Misra hey inhe ne ñam Nikiɗi. »

Firawna ɓeeɗukka naah ca na ñiingo'oh caŋ Misra. Heɗ haf ceem nammba haɓiɗ ŋ in caŋ ɓa in mand ɗaa. Yaa nu nga ɗah njaffa ndooɗaŋ ɗe ŋ kehƴi, wa ɓoƴsukka iiñ. Waaye waŋ Aaruna onnda caŋ ɓa.

Nikiɗi woo ne ngaŋ in cii, fu hey inhe ne a yi Nikiɗi. Marka ! Ŋ hey ɓaye ndooɗii ŋ yaahiŋ ngo, ŋ laɓa ŋ kali, wa ɓoƴsuk ñif.

« Firawna woo ɗu ne : “ Teeɓohaat firnde ” ɗah, fu yi Musaa, woya Aaruna ne a ɓayaat ndooɗiŋ ɗe, a njafa ŋ fiki Firawna, wa hey ɓoƴsuke iiñ. » Musaa na Aaruna kaɗta ŋ Firawna, ɓa haɓɗohha in ceem ɗaa, findi Nikiɗi nakohee ɓa wa. Aaruna ɓayya ndooɗaŋ ɗe, a njaffaa ŋ fiki Firawna na dag caŋ ɗe, wa ɓoƴsukka iiñ duu'in.