I Versetti Biblici più popolari da Budie Taatina 3

Condividi

Binu! Nnye kayakun muubó kɔnu. Na si ukyuli ɔdi únu-mi lɛdi na ɔ́lɛmi úte-mi ni, ndubuduo-nwu kudɔ na ami ku-nwu bɔsala bɔdi.

Ngyi lɛla lɛni na bɛ́bla na ngyi ka bítaba na bítaƒɔ ogya lɛnɔ. Nsu nka mɔɔyɔ́ si bɛ́ƒuna linwi. Nsu ka buse kani na bise gugungu na bítaba iye bítaƒɔ ogya lɛnɔ ɔsu ni, ndubo-mii butuo bɔlɛku mina kenye kemmo!

“Bekyuli bani na mɔɔyɔ́ ni, ama na mɔɔdɔnku na mɔɔní-ma kɔtu. Anwuɔsu bɛsia lɛlɔ anu kpakplaa na binwini kama bɛkya bina ekpidi.

Ngyi kalɛ na bɛɛbla bina kabla na ngyi ka bibo ɔyikun blii ɔdi. Bɛ́siaku mina ala bɔtina kama na bɛ́di mina etemila lɛnɔ lɛlɔ ulu lɛlɔ. Lɛ́lɛmi kayakun kadi líte-mii na bina anumi na ukyuli biala ulakana-ka bɔkalɛ.

“Anwu ɔni madi ekpidi lɛlɔ ni, ndubute-nwu kuƒi na ulie-mi kudɔ na lɛgaboku lɛlɔ aani kalɛ na lɛ́di lɛlɔ na nli mina Ɔti kudɔ na lɛgaboku lɛlɔ.

Bɛɛsu bɛnii, ‘Mbo ala na ɔdianku-mi, na mbo ala ani ƒui na mɔɔwia.’ Nsu bɛɛɛgyi bɛnii biisé lɛlɔ na bina lɛlɔ libo kɔnyana, na biiibo lɛla lɛdi, na anumi ábwɛ-mii, na bɛkɛ kasɔngya.

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.

“Ndubo uwi klukui kemmo. Anwuɔsu bɛda lɛla lɛni nse-mii kaduɛ kalɛ na ukyuli ɔdi uláƒɔ bina lɛyuƒɔla ulásiku-mii enu kemmo.

Ngyi kalɛ na bɛɛbla bina kabla, na ngyi lɛnɔ ka bekyuli baanu-mii ka bili ngba, nsu bíkpi na kɔyu kemmo! Anwuɔsu bɛgyinya na bɛkya lɛla lɛni nébu lise-mii ogya kalɛ na bilekpi ƒui! Ɔsika lɛ́nu ka lɛla lɛni na bɛɛbla ni, lítedu tɔ lítawɔlɔ na Katɔti anumi.