I Versetti Biblici più popolari da Galatiƒuɔ 5

Condividi

Nsu Kɔyu ablala ani nse aani ebi buni kalɛ ni, anya ndi bɔyɔ ku kubiti ku keyi buɛɛ ku kayi bɔkɛ ku lɛƒɔndia ku lɛbuni bɔbla ku ala bɔbla ulu lɛlɔ ku lɛlɔ buwi buɛɛ ku lɛlɔ bɔti bɔda. Na ɔda bubo bɔdi bulétile ala amɛni kuƒi.

Na lɛla lɛni mɔɔsu-mii ndi ka bɛya na Katɔti Kɔyu kɔtɔnku-mii na bina ngba bulie kemmo. Na bitaya na bina ɔlɔna ɔkwɛ adala adi-mii lɛlɔ.

Na ka ɔkɛnku Kɔyu kɔmmɔ lɛlɔ ɔsu na bulie ngba ni, bɛya na Kɔyu kɔmmɔ kɔtɔnku-bu.

Na bekyuli bani ndi Kristo Yesu badi ni, bákana bana ɔlɔna udu ɔkukudi ɔmmɔ ku nwuna ɔkwɛ adala ekpidi ƒui bámana ugyii lɛlɔ ku Kristo.

Na ala ani na ɔlɔna ɔɔbla ni, aalɛ́ keyi nwaa na anya ndi lɛyalɛ ku kɔbɔ ala bɔbla ku adɔlɔla bɔbla ku lɛƒiɔkpa ku kabɔ bɔdu ku bekyuli bukisi ku kekpo ku bekyuli bani muukpó kogyulo ku kɔnyi buti ku awɔ lɛti lɛkɛ ku unyeƒi ku lɛlɔ bule akpa akpa ku lɛnungyie ku ntɛ bukpi ku adikpi emeyi bɔdi ku ana udu. Na muubó-mii ɔda na ana lɛlɔ aani kalɛ na lɛ́ɛsu-mii ḿbavi ka bekyuli bani mɔɔbla ala ammɔ udu ni, baladi Katɔ Ɔga Ɔma ala!

Banwa, bɔlɔ na Katɔti ɔ́lɔ-bu ɔnii bɔkɛ bɔnwuna. Nsu utalɛka buti bɔnwuna bɔkɛ bɔmɛni butaabla ala ekpidi. Mmomu ɔlɛka buti-mu buteebunku lɛlɔ na bɔyɔ kemmo.

Na ala ani na bula ɔlɔna ɔɔyɔ́ ni, aata teenye ala ani na Kɔyu kɔɔyɔ́ lɛlɔ. Lɛni kani na ala ani na Kɔyu lɛnɔ kɔɔyɔ́ aata teenye ala ani na ɔlɔna ɔɔyɔ́ lɛlɔ. Na ɔlɔna ku Kɔyu kɔmɛni badi bekisine bete lɛlɔ. Anwuɔsu bɛsɔ bilakana na bitaabla lɛla biala mɔɔda-mii ɔkwɛ.

Na ɔda bubo bɔmmɔ ƒui kalɔ budie bɔdanku lɛla linwi pɛ. Na ani ndi ka, “Yɔ ƒula ukyulikpana aani ƒula lɛlɔ kalɛ.”

Na bitaya na bɔtalaku lɛlɔ katɔ iye butaakya lɛlɔ kɔnyi iye buteekpoku lɛlɔ kogyulo.

Kristo úte-bu bɔnwuna kalɛ na bɔkɛ bɔnwuna sɔsɔ. Anwuɔsu binye kpakplaa na bɛsɔ bitete kuƒi na ɔdi unye-mii lɛlɔ na bitaabla ukyuli ɔdi kabla lɛnɔ.