I Versetti Biblici più popolari da Petro 2 2

Condividi

Ɔmɛni ɔɔtina ka Katɔti ɔgyi kalɛ na udie bekyuli babuni ɔlɛku ala ani muukpóku-ma kemmo na ɔda bekyuli bekpidi use ute uwi ɔni na ɔdubɔni-ma kɔtu na litemi bɔtɛ limeyi lɛmmɔ lɛlɔ.

Si nka bétenu ngba siin bulie lɛlɔ litemi kudii muedi ni, nka ɔdia-ma utulo. Nsu bénu-ni asa na básɔ bédeyi ulu ɔmmɔ, na baládi ɔda bubo kedee bɔni na béte-ma lɛlɔ. Sɔsɔ na ɔdi ka agba ani na bébo ébo éte lɛni na bana lɛlɔ ka akpewe ɔsɔ uuti nwuna kɔdala taadi, na ɔplakuo ɔni na bákpila-nwu ɔsɔ uunwíni taatákpi aba.

Ɔkɔ ala batinane bamɛni beesé kenye ka badubɔbla bana kama basiakune na bakɛ bɔnwuna uwi ɔni na ama alati bénwini kabla bablane béte ekpidi ani ndubo-ma bɔkyula. Ɔsika ukyuli ɔdi kabla ɔblane ute lɛla lɛni nádi-nwu lɛlɔ.

Si bekyuli bávumana kayi na Katɔti údie-ma ɔ́lɛku ala ani muukpóku-ma ƒui kudɔ ka báƒɔ Blɔti ku Ɔƒɔne Yesu Kristo asa na básɔ bénwini bésie belie bana ngba kuuku bɔmmɔ ni, bana ablala eebie teetulo kalɛ na úse kalɔ kesekɔ ƒui.

Kalɛ na ɔkɔ kenye bediene bákya uwi ɔni návi ni, lɛni kani na ɔkɔ ala batinane bammɔ udu badubɔkya-mii akɔ. Badubo ɔkɔ bɔnyi bɔtina ala na ulu ɔni lɛlɔ na ɔdi ka bekyuli basia bada bana ngba lɛlɔ. Nsu ɔmmɔ ɔdubɔya na bekyuli bayii. Na badubuni ala ƒui lɛlɔ ɔdine Blɔti ɔni nédie-ma ɔ́lɛku bana ekpidi kemmo. Na ɔmmɔ ndubɔyila-ma udu.