I Versetti Biblici più popolari da Yohane 1 2

Condividi

Bitayɔ kayawi ku kana lɛlɔ ala ani náta énye Katɔti lɛlɔ. Ɔsika ukyuli ɔni mɔɔyɔ́ kayawi lɛni ni, ulayɔ Katɔti geen. Ɔsika ala amɛni udu ani nkya kayawi ni, átasi Katɔti kudɔ. Adi ala ani mɔɔda bula likyulikpi ɔlɔna ɔmɛni ɔkwɛ, ku adikpi bɔdi ala ani na bɔɔnu na aada-bu ɔkwɛ, ku kayawi ala ani kemmo na ukyuli ɔɔkun lɛmɛnɛ. Ana akɔ lɛla lɛdi lítasi Katɔti kudɔ. Mmomu kayawi udunkpi kemmo na ana ƒui aasí.

Kayawi ku kana lɛlɔ ɔkwɛ adala ƒui adaku bɔvi. Nsu ukyuli ɔni mɔɔbla Katɔti lɛƒɔyɔ ni, ɔdubulie ngba ku Katɔti uwi ƒui.

Ukyuli ɔni mɔɔsu ɔnii uliku Katɔti ni, ɔlɛka ulie ngba aani kalɛ na Yesu Kristo úlie.

Mina bebi bayɔne, muunweni ɔmɛni lite-mii kalɛ na bilabla ekpidi. Nsu si ɔdi ɔ́bla likpidi lɛdi ni, bubo ukyuli ɔni nnye-bu kenye uuvele Katɔti teete-bu. Na anwu ndi Yesu Kristo ɔni nse siin.

Si ɔdi ɔ́su ɔnii, “Ngyi-nwu,” nsu uládi nwuna etemila lɛlɔ ni, ukyuli ɔmmɔ ɔɔnyi ɔkɔ. Na litemi geen lɛmmɔ lítaƒɔ-nwu lɛlɔ kemmo.

Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.

Na ukyuli biala ɔni masu ɔnii ɔkya bukeye kemmo nsu uukisi nwuna ɔƒɔtaadine ɔkpana ni, ɔmu ɔkya lɛdisa kemmo.

Na ɔma ndi ɔkɔ ɔnyine? Ɔkɔ ɔnyine ɔmmɔ ndi ukyuli ɔni muuní ka Yesu ndi Ukyuli Ɔƒunadi ɔmmɔ. Ukyuli ɔmmɔ udu ndi ukisine ute Kristo. Na ukyuli ɔmmɔ úni Katɔti ku Ubidi ɔmmɔ ƒui.

Na ukyuli ɔni muuní Ubi ɔmɛni taasu ka ɔɔɔdi Katɔti Ubidi ni, anwu ku Katɔti beeebo kɔna. Na ukyuli ɔni muudie kenye taasu ka ɔ́ƒɔ Ubi ni, ɔ́ƒɔ Katɔti lɛnɔ.