I Versetti Biblici più popolari da Korintoƒuɔ 1 2

Condividi

Nsu Bunweni Kedee Ɔku ɔɔsu ɔnii, “Lɛla lɛni na ɔdi útanu iye útenu, na ɔdi útakali lɛnɔ ka lɛdubɔlɛ ni, ani geen ndi lɛla lɛni na Katɔti ɔ́klibi úse úte bekyuli bani mɔɔyɔ́-nwu.”

Ukyuli biala ɔni na Katɔti Kɔyu kɔmɛni kútaƒɔ-nwu lɛlɔ kemmo ni, ulakana na waƒɔ etela ani na Katɔti Kɔyu kuute. Na ukyuli ɔmmɔ lɛnɔ ulénu ala ammɔ kalɔ, ɔsika ala ammɔ adi-nwu adɔlɔla sɔɔn. Na Katɔti Kɔyu lɛlɔ kani na ukyuli ɔdubɔsia na ɔnu etela ammɔ ɔti kalɛ na áƒɔ kuye.

Nsu abu ɔsu na Katɔti údie nwuna abɛla amɛni keyi ɔkɛnku nwuna Kɔyu lɛlɔ. Katɔti Kɔyu kɔɔwia lɛla biala kemmo ɔti, na ɔgyi Katɔti abɛla muedi.

Na abu ni, ɔɔɔdi kɔyu kɔni mɔɔdi alaekpidi bablane lɛlɔ nkya-bu lɛlɔ kemmo. Mmomu Katɔti Kɔyu kɔni ndubɔya na bɔti etela ani na bɔ́kɛ bɔ́siku-nwu kudɔ ku kaƒɔ ƒaa ni, aku nkya-bu lɛlɔ kemmo.

Na bɛdubɔnu ka mina ala ani na lɛ́tina ƒui ni, eeese aani ukyuli ɔni na kenye káda-nwu na úbo lɛnunda. Mmomu mina etemila bɔsu búdie bɔ́tina geen kalɛ na Katɔti Kɔyu ɔyikun use. Ɔmɛni ɔsu ni, ɔɔɔdi ɔyawine lɛnunda lɛlɔ na bɛ́sia bɛ́ƒɔ Kristo bɛ́di, mmomu Katɔti ɔyikun lɛlɔ.