I Versetti Biblici più popolari da Eklesiastee̱ 4

Condividi

Chjí ngasenii̱ jó xota̱, ta̱bo̱a̱jiín tsi ta̱ ngo tsí, ngatꞌa̱ ndakjiꞌi ngase ni xi sa̱ko̱ó kjo̱a̱a̱ xaá ngajoó. Ngatꞌa̱ tsi ngo kꞌo̱ka, xi ingoo̱ skjinínkꞌá, ta̱nga, ¡xi̱xꞌi̱a̱n xò xí ngo tsí maá! Ngatꞌa̱ kjiꞌanga kꞌo̱ka jmíjín xi skjinínkꞌá kuí.

Tsi ngo tsí má ngo xota̱, ka̱ma si̱ꞌaa̱n, ta̱nga tsi jó má, ka̱márií kꞌo̱xiéꞌá yojoo̱, ńꞌniú xí ján kjikjonii̱ tsájín tindsó.

Kó ti̱ tsi jó má xi nijan kjoyójo, ja̱kꞌi̱e̱ ja̱ngaján sa̱ꞌínꞌasoo̱ xkjín, ta̱nga, kótsꞌèn sa̱ꞌínꞌasoo̱ yojoo̱ kui xi ngo tsí maá.

Ndakjiꞌi ngase nga chiboa ni kꞌuiéná, kó nga si̱ꞌankjaꞌyá chií, ta̱bo̱a̱jiín nga tsie ni kꞌuiéná, kó ta̱soboá si̱ꞌanxá ñá, ngatꞌa̱ ta̱ kjo̱a̱boa tsí boá, kui nii̱.

Kó ti̱ kamábe an nga ngayeje xá, ko̱jo ngayeje ni nda xi niꞌaán, nga kuí boá xi ma onkonni xotaa̱. Kó kui nii̱, ti̱ ta̱kjo̱a̱ndaní bo̱a̱ nga, kó ta̱ tsꞌénboa tsíná.

Chjí ngasenii̱ ngo nda̱ xo̱ngò xí ni̱ma̱ xi jmí to̱njiín, ko̱jo xi kjínkón, ta̱bo̱a̱jiín ngo nda̱ re xi xchá, ko̱jo xi kitikjo̱a̱ xi mejénjiín nga ku̱i̱ntꞌie̱é ngo kjo̱a̱botíxoma