I Versetti Biblici più popolari da 2 Xo̱jo̱o̱n Peé 1

Condividi

Néná katsꞌénkjién ngaꞌniuú nga katsjáná ngayeje ni xi chjiénná, kó ta̱kó tsꞌéntsjáná tsi̱ꞌe̱ nga ku̱i̱ndyión xikótsꞌèn mejeén kui, kó katsjáná ngayeje kui nii̱ kjiꞌanga kamáyà Jesukristoo̱. Ngatꞌa̱ nga tsíchji̱a̱ná, bo̱a̱ katsꞌén, tsi̱ꞌe̱ nga ki̱a̱ ko̱ndókjo̱a̱ ñá nínga botixómá kui. Kó ti̱ katsjáná kjo̱a̱nda xi chjínií ko̱jo xi tsjakon xi katsóyàtjón nga tsja̱aná. Ta̱ngatꞌanii̱ kui nii̱ nga jún ka̱ma ku̱i̱ndyionjnú xi kótsꞌèn tikón Néná, nga je ikiyojnúu̱ ni xi ndajín xi chji̱a̱ni kui nga̱sondiee̱, kui ni xi mejeén ini̱ma̱a̱ kui xotaa̱.

Kuíni nga chjiéngá si̱ꞌánjnú ngo kjo̱a̱ꞌniú tsi̱ꞌe̱ nga kjo̱a̱sꞌijinjnú tjasónjnúu̱ nga nda si̱ꞌánjnú. Kó kui kjo̱a̱ndaniꞌaán, tjasónjnúu̱ kjo̱a̱kjíntakón. Kó kui kjo̱a̱kjíntakoón, tjasónjnúu̱ nga kamáꞌniújnú yojojnú. Kó kui kjo̱a̱a̱ nga maꞌniújnú yojojnú, tjasónjnúu̱ kjo̱a̱chiyákjo̱a̱. Kó kui kjo̱a̱chiyákjo̱a̱a̱, tjasónjnúu̱ nga si̱ꞌandikónjnú Néná. Kó kui kjo̱a̱yandikoón Néná, tjasónjnúu̱ nga tjó si̱ꞌánjnú xingi̱jnú xikoó tsi ntsꞌiejnú, kó kui kjo̱a̱a̱ nga niꞌántjó xingi̱jnú xikoó tsi ntsꞌié, tjasónjnúu̱ ngase kjo̱a̱tjó.

Ngatꞌa̱ tsi bo̱a̱ ndyi̱niꞌánjnú, kó tsi ꞌniú tikónjinjnú kui nii̱, nda si̱ꞌánjnú ni xi si̱ꞌánjnú, kó kjo̱a̱a̱ nga je yàjnú Ndi̱a̱ná Jesukristoo̱ tsiꞌéjín ka̱majnú.

Kuíni ntsꞌie, nga Néná je tsíchji̱a̱jnú ko̱jo nga je jaꞌájinjnú, chónjnú nga kui nii̱ ꞌniú kꞌuíjinjnú, ngatꞌa̱ tsi bo̱a̱ si̱ꞌánjnú jmíni̱xtjin kꞌo̱kajnú ngindie jàn.