I Versetti Biblici più popolari da Matìù 7

Condividi

“Lo̧, ko Mbɔ̧ɔ̧mà naa ŋa, nkɨ̂ ko taa ghɨ̌ aa ye, mè ndùꞋte ètsələèꞋ ko taa tsɔꞋɔ abua yê.

Nkàà nê wòt ègème tà lo̧ la nàà mbɔa, wòt tà kɨ la yea, èwe tà luꞋte ètsələèꞋ la bɔ tsɔꞋa abua tò.

“È wu ale, wòt tà zə mèngǎ̧ mɔ̧ maà me ghɨ̀ mbɨꞋɨ̀ nàa shua la, wu mbɨ̀Ꞌɨ̀ wòt èyì tà vəèəè lob zi a ègwet èwu la.

Ale, àghɨa àa nkɨà nê bòt è ghɨ̌ abua yê la, ghɨ̌ abua yɔb mɨ̧̂, nkàà nê eyaa wu àghɨa mbɨ̧te Musì nè bèndàꞋàtɔŋ Mbɔ̧ɔ̧mà e shuà la.

Ka ètsələèꞋ wu àa nga àdziꞋa mèmpème la e taꞋa wua nkòa, èlu̧ e mè me bɨɨ, bòt bɔ̀ɔ ntsea adù̧ la è ka wua ndzà̧a.

“Tsě ane ètsələèꞋ techɨɨle, nkàà nê ètsəê wu àa fǎ la e gha a èbem èwet Satàn. Èlu̧ mbɔŋ aà mbɔ̀; bòt bɔ̀ɔ ntsea adù̧ la e me yaãaã.

Tè bɨ̀a wàa bɨ̀ wu bòt kàbɔ̀ŋ la e wu ko eŋa èghɨ ntsɔ̧̀ abua bɔ̧ bɨ̧, è me wu tǎt wɨ̧ wu a ègwet la tà kà ŋa èghɨ mbɔŋ abua bòt bɔ lo̧ abua tò la tè ntsě?

“À ka me zəâ èfaãnəè bòt mbɨ̀Ꞌɨ̀ Mbɔ̧ɔ̧mà li ndzəèəè èbê mɨ̧̂. Ko nê ndɨ àa ndzəèà èfaãnəè bòt ko la wu ndɨ Mbɔ̧ɔ̧mà nàa li zəèəè è bê la. Ndɨ àa ngɨ ane bòt ko la wu wuê ndɨ tàa li ghɨ̌ ane yê la.

Ka wòt ègème tà zə mèngǎ̧ mɔ̧ màa tà kà ghɨ mbɨ̀Ꞌɨ̀ è shua la wu mbɨ̀Ꞌɨ̀ àkèghɨ̧̀ a vəèəè lob zi a ègwet tèso̧ la.

“À ghɨ̀ na ka me ko ndzea wuê alààte kèsaabe àyɨt a èghɨ wanyɨ wè, nè ndɨ à bɔ taꞋà mpɨ̀ŋ èwȩ a lê nè èghɨ la à? À ghɨ̀ na me shu abua wanyɨ wè nê tà tsiꞋ yè tsì àlààte kèsaabe àyɨt fu a èghɨ tò la nè ndɨ mpɨ̀ŋ èwȩ nàa a èghɨ lê la à?

“Bɨ̀ me ko awɨ̧ mbɨ̀Ꞌɨ̀ bèndàꞋàtɔŋ Mbɔ̧ɔ̧mà fɨte e nyi ayɔɔ yɨ̧. Bɔ̀ɔ ngɨ̀ bɔ me nyɨꞋte nê bɔ̀ɔ njùa ane mènəè mɔb mbɨ̀Ꞌɨ̀ njɨ̀tsə, ka mbɔ̂ ngu a èbem mbɨ̀Ꞌɨ̀ ngwitenyà̧. Èghɨ bɔ̀ɔ ngɨ̀à la aà ghɨ̌ bɨa ko awɔb. Tè bɔɔ nkààba bèteshɨndɨk a èbem àdzɔ̧? Kò nkààba àgu̧u̧me a ègwet àlô̧ à?

Àyɨt a ntsɔ̧̀ àgème aà nkɔ̀ɔ̀la tètaãaãte ntsɔ̧̀, àyɨt a kàbɔ̀ŋ a me kɔɔle tètaãaãte kàbɔ̀ŋ.

Àyɨt a ntsɔ̧̀ aà kà kɔɔle tètaãaãte kàbɔ̀ŋ; àyɨt a kàbɔ̀ŋ à ka wua nkɔ̀ɔ̀la tètaãaãte ntsɔ̧̀.

Àyɨt àgème kà wua nkɔ̀ɔ̀la tètaãaãte ntsɔ̧̀, bɔɔ kòꞋo àyùà emàꞋa a èbem èwet.