I Versetti Biblici più popolari da Matìù 19

Condividi

Yesò bê ndɔ̀kè àvi ndzè àwɔb shu nê, “Aà nkwèèla abua bɔbȩ, ka è wu nè Mbɔ̧ɔ̧mà, ko àghɨ àgème aà njùa.”

Ale, bɔ ka tsi ngu mbɨ̀Ꞌɨ̀ bòt tsa tsa, bɔ tsiꞋi àghɨ yeamɔꞋ.” È wu ale, àghɨa Mbɔ̧ɔ̧mà tsəꞋne la, wɔ̀bȩ̂ ka sàbtè.

Yesò bɨ̀ɨ̀lè nê, “Bɨ bakà tɔ àdziꞋ yu a èbem àkata Mbɔ̧ɔ̧mà a laꞋnê ngɔ̀ŋ li me bùꞋu, Mbɔ̧ɔ̧mà ghɨ̀ mbâ̧ nè àvi la à? Tà bɔ̂ shuê nê, mbâ̧ bɔ ndɨ tàa sa tǎt vi bɔ̂ nyɨ̌ vi, bɔ̂ vi vi aa fɔte e tsiꞋi àghɨ yeamɔꞋ la.

Yesò shuê nê, “Bɨ tsiꞋ bɔ̧ bu è kɨꞋɨ abua am; bɨ̀ ka nkàlè àwɔb nkàà nê, kèfɔ̧̀ Mbɔ̧ɔ̧mà wu abua bòt mbɨꞋɨ̀ bɔ̀ɔ̀ba wàà.”

Ka bòt nyaŋ, bɔ̀ wua mbì àfɨ̀Ꞌ yaa la, bɔɔ li tsiꞋa akwèn, èbe bɔ̀ wua akwèn la e tsiꞋa a mbì.”

Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà.

Yesò shu abua tò nê, “À lâ me kɨ kùꞋu a mbì Mbɔ̧ɔ̧mà, à ghà fɨ̧̀ɨ̧̀nè èghɨ bê ègème, ŋà èkab èghɨ mbɔŋ abua bòt mbuŋ, mbɔ̂ nkɨ̀Ꞌɨ̂ nkùŋè am, ko aa li jandèlè a ègwet.”

Yesò bɨ̀ɨ̀lè nê, “À ghɨ̀ na ka me tɔ am ane wòt ntsɔ̧̀ à? Wòt nàà ndàꞋ wemɔ̀Ꞌ tà wu wòt ntsɔ̧̀ la. À me kɨ ebɔ mèmpème kàlìà, à me nɔ̀ŋe mbɨ̧te Mbɔ̧ɔ̧mà.”

TsiꞋ è mě shua wɨ̧ nê, aà njùa anyà̧ mbɨ̀Ꞌɨ̀ loà naa tɔɔ a èbem èləꞋə sàꞋa, tè ntsè ndɨ wòt èkab nàa nyi a kèfɔ̧̀ Mbɔ̧ɔ̧mà la.”

TsiꞋ è shua wɨ̧ nê, wòt tà tu̧ vi vi ane ànəa ko tsa, kà wu laꞋ nê, àvi wu nɔ̀ŋkè bɔ̂ wòt tsa, ngà ndzɔ̀Ꞌɔ àvi kǒ tsa la, ŋut ko nê ye wua njɨ̀a àbȩ.”

Yesò shu abua bɔkatè bi nê, “TsiꞋ è shua wɨ̧ ane nkûŋ nê, a taꞋa wua nkwèèla abua wòt èkab taa nyi a Kèfɔ̧̀ Mbɔ̧ɔ̧mà.