I Versetti Biblici più popolari da She Lukyeendo 7

Condividi

Umukasya waakobolamo Musa ari, “Iwe nga waatsiile isi Faraawo, kane ube ni buunyala nga bwa Wele, ne Aroni kane abe nga umuŋoosi woowo, asontsoole byeesi iwe uba waakanikhile.

Ne kane ise ikhole Faraawo abe ni shikili shikali, nio abe ise naakhalooselakho bye kamakaanga byeesi ikhola mu Misiri, Faraawo singane awuliilise byeesi mumuloma ta. Nio abweene awo ise samweene nookesanise Misiri kamaani kaase, khuubirira mu bikholwa bye kamaani, shishikane shikile umuyiinga alekhuule ba Isiraeli khukhwaama mu Misiri.

Nga ise nookesanisile kamaani kaase, naarusile babaandu baase mu Misiri, kane ba Misiri bamanye bari ise ndi Umukasya.”

Lwanyuma Faraawo walaanga babaandu beewe babaamuwa kamakhula ni naabo babaalakula. Nabo baraambisa kamaani kaabwe ke khuulakula baakhola shishiindu nisho shitweela busa. Buli mutweela khu nibo waatuuma aasi imiimbo yeewe, tsyoosi tsyeekelamo tsindemu. Ne indemu iya Aroni yaamilaka tsitsaabwe tsyoositsana.

Umukasya ali khuutsya khuukhola she kamaani shishookesanisa shiri niye ali Umukasya. Kane ise ikhupe imiimbo yino ili mu mukhono kwase khu meetsi kano ka Nayilo, nako kane keekyelemo kamafuki.

“Nga Faraawo waabalomeele ari, ‘Kholawo she kamakaanga khuuŋaŋasa byeesi mulikho muloma,’ iwe ulomela busa Aroni khuutuuma imiimbo yeewe aasi ibweeni w'omuyiinga, nayo kane yikele indemu.” Nashiryo Musa ni Aroni baatsya isi Faraawo, baakhola nga Umukasya n'abalakila. Aroni waatuuma imiimbo yeewe ibweeni w'omuyiinga ni babaakaanisi beewe, yeekyela indemu.