I Versetti Biblici più popolari da Lk 3

Condividi

Ənɨ Jɔ̌n nyaʼa fə naʼ mɨnib əmbɨ ə bə̂d mbe mɨjìm, wɨ̀ nyaʼa bə̀ naʼ əmbɨ Yeso. Ənɨ Yeso nyaʼə kɔŋgɨ ə Ŋwiə̀, ɨkaŋ nyaʼa fìʼə̀, əne Əzwî ə Zeŋɨ ə nyaʼa swiʼi yeʼe ɨgwɨ məd ɨghabɨ tə̀bə̀ŋə. Gɨ̂ mɔʼɔ nyaʼa ghàm rɨkaŋ ghà ni, “Àwɔ̀ yɨ mɨ wan nɨ mə̀ ghaʼi kwàʼ rɨŋgəʼ. Mɨ fîŋ ə bɔ̀ŋ əku ɨmbə̀ʼ əwe.”

Jɔ̌n nyaʼa wììrɨ̀ əmbɨ mɨ̀mə̌d mɨjìm ni, “Mə wɨə nàʼ mɨnib ɨ nən, àyɨə wə̀d we nɨə yeʼe ənɨ mɨ njìm ə dabə chè əmɨ. Mɨ rɨka kùʼ əmɨ nɨ za mɨniʼ ɨtabɨ məd. Məd bɨrɨ cha Əzwî ə Zeŋɨ fɔrɨ ɨwid ɨgwɨ nən.

Mbə̀ ghɨ̀ ɨnû mbe nɨ chwiə ni mbə̀ fə bèŋ tə fîŋ. Tɨ mbə̀ kɔ ghà ə mbənə mbənə ni, 'Tɨ̀ yɨə bɔn tɨ ənɨ əghaŋ ə Abràham'. Mə ghà ɨ nən ni, Ŋwiə̀ we tɨ̀ wɨ̀ nɨŋ əti zɔ̂ bèŋ ənɨ ə bɔn Abràham.

Ka àbei rɨ̀nîn, Ŋwìə̀ fə boŋ jam ɨban ɨghaŋ ɨzed. Əne wɨ̀ bɨrɨ wad ɨzed jìm mbe nɨ chəi mbɨ kɔ rɨtam chɔ̀m màʼ ɨŋga ɨwid.”

Ənû ze ə nyaʼa ghɨ̀ àmei ɨchî nɨ wə̀d ɨ̀kə̀n Ŋwìə̀ Aizayà nyaʼa ŋwaʼnɨ ni, “Wə̀d mɔʼɔ wɨə kyeŋ ɨŋga ɨbad rɨkwàʼi ghàə̀ ni, 'Mbə̀ tekɨ ɨnə̂njɨ̀ əmbɨ Ə̀nùŋɨ̀sɨg. Mbə̀ tekɨ mɨnə̂njɨ̀ məd mbɨ təm! Mbɨ berɨ swe ɨmeʼ jìm, swi tɨwum kyeŋ mbɨ tɨwum kwa jìm, ghɨ̀ ni mɨnə̂njɨ̀ mbe nɨ ŋgɔndə, mbɨ təm, swe tɨbɨgɨ jìm bə̀ nàmnɨ̀ mɨnə̂njɨ̀. Bə̂d mɨjìm bɨrɨ zə ɨchî nɨ Ŋwìə̀ ə chɨə bə̂d rəŋgəʼ!'”