I Versetti Biblici più popolari da Luk 3

Condividi

Täämɛ mëë ca naath diaal lak, kä ca Yecu lak bä, cuɛ pal, kä cu nhial rɔ lɛp. Cu Yiëë in Gɔaa in Rɛl Rɔ ben piny kä jɛ kɛ puɔ̱ny mi jɔc ce̱tkɛ guuk. Kä cu jɔw päl nhial wëë i̱, “Ɛ ji̱n Gatdä min nhɔakä, in tɛth lɔcdä kɛ jɛ.”

Cu Jɔ̱ɔ̱n kɛ loc kɛn diaal, wëë i̱, “Ɣän lakä yɛ kɛ pi̱, kä ram mi bum ni jɛn kä ɣä a bëëni. Kä cäŋɛ ni ɣän /ci gɔɔydä ro̱ŋ kɛ ɣöö dëë läk wa̱a̱rikɛ lony. Jɛn bɛ yɛ lak kɛ Yiëë in Gɔaa in Rɛl Rɔ kɛnɛ mac.

La̱tdɛ lät ti gɔw ti ro̱ŋ kɛ rietdun kɛ rɔ̱ dueeri. /Cuarɛ jɛ car a ruac yɛn kärɔ̱ i̱, ‘Kɔn akɛ gua̱ndɔɔŋda ni A-bɛ-ram’. Kɛ ɣöö ɣän la̱rä jɛ yɛ, ɛn ɣöö te Kuoth kɛ lua̱ŋ kɛ ɣöö bɛ A-bɛ-ram moc gaat kɛ pääm ti̱ti̱.

Kä ɛn täämɛ te jio̱p thäri jiɛn. Kɛ kui̱ ɛmɔ jiɛn diaal ti /ci dɛy ti gɔw bi kuir ɔ, ba jɛ jɔap piny, kä ba jɛ yuɔr maac.”

Kä ce̱tkɛ min ca gɔ̱r rɛy buɔk go̱kä ni I-ca-yaa i̱, “Jɔw raam mi cio̱t där dɔaar i̱, ‘Rialɛ duɔ̱ɔ̱p Kua̱r ni Kuoth ikä. Jakɛ dupkɛ kä cuŋ. Ba täp diaal di̱er, kä ba pääm diaal tin di̱t kɛnɛ tin tiɛtni pa̱a̱r kɛ piny. Ba gɔ̱a̱ŋ dupni cuɔ̱ŋ, kä ba dup tin yath yaath jakä puɔth. Kä bi nɛy diaal ka̱n Kuɔth nɛn.’ ”