I Versetti Biblici più popolari da Íꞌdóngárá 12

Condividi

“Ma ímụ́ sẽ mívé sụ́rụ́ ri adri ãmbúgú. Ma sẽ mi ímụ́ tãkíri ị́sụ́ rá, ma ímụ́ sẽ mî rụ́ ri kụkụ, mî tã sĩ, ma ímụ́ tãkíri sẽ ꞌbá ụrụkọꞌbée ní rá. Ma ímụ́ tãkíri sẽ ꞌbá tãkíri sẽꞌbá mí ní rĩ pi ní, ꞌbá mi wãꞌbá rĩ pi, ma ímụ́ kộpi wã rá, ꞌbá céré vũ drị̃gé nõgó rĩ pi, ma ímụ́ kộpi ní tãkíri sẽ mî tã sĩ.”

Úpí Múngú ní ꞌyozú Ábrãmũ ní kĩnĩ, “ꞌÍ ku ãngũ ĩmivé rĩ, ꞌí ku máríté mívé rĩ pi, ꞌí ku ꞌbá mí ẹ́tẹ́pị vé jó ãsámvú gé rĩ pi, ꞌí mụ adrií ãngũ má ní úmvúlésĩ lẽé lũú mí ní rĩ gé.

Kúru Ábrãmũ ní ꞌdezú mụzú sụ̃ Úpí Múngú ní lũú ĩri ní rĩ tị́nị. Lótõ pi ꞌdekí mụụ́ ĩri be trụ́. Ábrãmũ ní ngazú fũzú Hãránã agásĩ rĩ gé, ị́sụ́ ãkũdẽ ĩri ílí be pụ̃kụ́ ẹ́zị̂rị̃ drị̃ ni tọ̃wụ́.

Úpí Múngú ní ꞌi iꞌdazú Ábrãmũ ní, ĩri ní ꞌyozú kĩnĩ, “Ma úmvúlésĩ ãngũ nõri sẽ mvá mívé úyú agá ni ní.” Kúru Ábrãmũ ní vũrã rọ̃bọ̃ŋọ̃ zãzú ni sịzú Úpí ꞌi iꞌdaápi ꞌí ní rĩ ní.