I Versetti Biblici più popolari da Rôm 8

Condividi

Ƀing ta thâo laih, abih bang tơlơi pơƀŭt glaĭ leng kơ jing hĭ tơlơi hiam kơ ƀing khăp kơ Ơi Adai, jing kơ ƀing mơnuih Ơi Adai hmâo iâu mă tui hăng tơlơi Ñu ruah mă hlâo.

Yua kơ kâo thâo sĭt biă mă thâo dah tơlơi djai, tơlơi hơdip, ƀing ling jang adai, ƀing khua wai lăng, bruă rơnŭk anai, bruă rơnŭk tơdơi, tơlơi dưi kơtang amăng lŏn adai, boh glong, boh dlam, ƀôdah hơgĕt mơnơ̆ng pơkŏn amăng abih bang mơnơ̆ng hmâo hrih laih, ƀu dưi pơčơlah hĭ ôh ƀing ta mơ̆ng tơlơi Ơi Adai khăp hmâo pơrơđah laih amăng Krist Yêsu, Khua Yang ƀing ta.

Kar kaĭ mơ̆n Yang Bơngăt Hiam djru ƀing ta amăng tơlơi tơdu ƀing ta, yua kơ ƀing ta ƀu thâo ôh hyư̆m či iâu laĭ kiăng kơ djơ̆, samơ̆ Yang Bơngăt Hiam pô djru iâu laĭ pơala kơ ƀing ta hăng tơlơi kơwưh krao amăng pran jua ƀu thâo pơblang ôh.

Tui anŭn, hơgĕt tơlơi ƀing ta či laĭ kơ khul tơlơi anai lĕ? Tơdah Ơi Adai dŏ gah kơ ƀing ta, hlơi pô dưi pơkơdơ̆ng glaĭ hăng ƀing ta dơ̆ng?

Hnŭn yơh ră anai, ƀu hmâo tơlơi klă kơđi dơ̆ng ôh kơ hlơi pô dŏ amăng Krist Yêsu

Khăp pơmĭn kơ tơlơi tui hăng asar đeh ba kơ tơlơi djai. Samơ̆ tơlơi khăp pơmĭn kơ tơlơi tui hăng Yang Bơngăt Hiam ba kơ tơlơi hơdip laih anŭn tơlơi rơnŭk rơnua.

Kơđai glaĭ, amăng abih bang tơlơi anŭn, ƀing ta jing ƀing dưi hloh nanao, yua mơ̆ng Pô khăp kơ ƀing ta.

Kâo pơmĭn khul tơlơi ruă tơnap rơnŭk anai ƀu năng lăp ôh bơkơnar hăng tơlơi ang yang či pơrơđah brơi kơ ƀing ta rơnŭk tơdơi.

Hlơi pô či pơčơlah hĭ ƀing ta mơ̆ng tơlơi Yêsu Krist khăp? Djơ̆ mơ̆ tơlơi tơnap tap, tơlơi rŭng răng, tơlơi arăng ngă sat, tơlơi ư̆ rơpa, tơlơi jing mơhlŭn, tơlơi hwĭ hyưt, ƀôdah đao gưm?

Laih anŭn Ơi Adai jing pô lăng kơsem pran jua mơnuih, thâo tơlơi pơmĭn Yang Bơngăt Hiam. Yua kơ Yang Bơngăt Hiam iâu laĭ pơala brơi ƀing rơgoh hiam tui hăng tơlơi Ơi Adai kiăng.

Yua kơ abih bang ƀing hlơi hmâo Yang Bơngăt Hiam Ơi Adai dui ba leng kơ jing ƀing ană Ơi Adai.

Yua kơ ƀing hơdip tui hăng asar đeh, khăp pơmĭn kơ khul tơlơi tui hăng asar đeh kiăng. Samơ̆ ƀing hơdip tui hăng Yang Bơngăt Hiam, khăp pơmĭn kơ khul tơlơi Yang Bơngăt Hiam kiăng.

Yua kơ Ơi Adai ƀu hơ-ưi ôh Ană Ñu pô, samơ̆ hmâo jao lui hĭ Gơ̆ yua kơ abih bang ƀing ta, hyư̆m Ñu ƀu či pha brơi ôh hă abih bang tơlơi kơ ƀing ta hrŏm hơbĭt hăng Gơ̆?

Yang Bơngăt Hiam pô yơh ngă pơsĭt kơ bơngăt jua ƀing ta kơ tơlơi ƀing ta jing ană Ơi Adai. Tơdah ƀing ta jing ană bă, ƀing ta ăt jing ƀing tŭ mă kong ngăn mơ̆n, ƀing tŭ mă kong ngăn Ơi Adai, laih anŭn ƀing tŭ mă kong ngăn hrŏm hơbĭt hăng Krist, sĭt biă mă tơdah ƀing ta tŭ tơlơi ruă tơnap hrŏm hơbĭt hăng Ñu, ƀing ta ăt či dưi hmâo tơlơi ang yang hrŏm hơbĭt hăng Ñu kar kaĭ mơ̆n.

Yua kơ tơlơi khăp pơmĭn gah kơ asar đeh jing ayăt hăng Ơi Adai. Ñu ƀu tui gưt kơ tơlơi juăt Ơi Adai ôh, kŏn ñu dưi tui gưt lơi.

Yua kơ abih bang mơnơ̆ng mơnuă Ơi Adai hrih leng kơ hur har, čang rơmang biă mă kơ hrơi ƀing ană bă Ơi Adai či pơrơđah rai.

Ƀing ta thâo abih bang mơnơ̆ng mơnuă hmâo hrih laih leng kơ ur krao amăng tơlơi dŏ ruă nuă kar hăng đah kơmơi ruă tơkeng truh pơ ră anai