I Versetti Biblici più popolari da Rôm 14

Condividi

Yua kơ dêh čar pơtao Ơi Adai ƀu djơ̆ tơlơi ƀơ̆ng mơñum ôh, samơ̆ tơlơi tơpă, tơlơi rơnŭk rơnua, laih anŭn tơlơi hơ̆k mơak amăng Yang Bơngăt Hiam. Hlơi pô mă bruă kơ Krist kar hăng anŭn, ñu ngă bơmơak kơ Ơi Adai laih; laih anŭn hmâo tơlơi ană mơnuih pơpŭ.

Tơdah ƀing ta hơdip, ƀing ta hơdip kơ Khua Yang; laih anŭn tơdah ƀing ta djai, ƀing ta djai kơ khua Yang mơ̆n. Tui anŭn thâo dah ƀing ta dŏ hơdip ƀôdah ƀing ta djai, ăt ƀing ta leng lơ̆m kơ Khua Yang soh sel.

Tui anŭn brơi ƀing ta tui hơduah bĕ khul tơlơi ba glaĭ tơlơi rơnom laih anŭn tơlơi dưi pơdơ̆ng kơjăp tơdruă.

Tui anŭn, anăm ƀing ta phat kơđi tơdruă ƀing ta ôh, samơ̆ hiam hloh khư̆p ư anăm ngă tơhnač ƀôdah pơgŭn jơlan kơ adơi ayŏng ƀing ta ôh.

Yua kơ Hră Ơi Adai Pơhiăp hmâo čih: “Khua Yang laĭ, sĭt kar hăng Kâo jing pô hơdip, abih bang tơŭt či čon ƀơi anăp kâo, Laih anŭn abih bang jơlah či bơni hơơč kơ Ơi Adai.” Tui anŭn rĭm čô ƀing ta či pơhaih bruă ta pô ƀơi anăp Ơi Adai.

Tŭ jum bĕ ƀing tơdu amăng tơlơi đaŏ, anăm pơrơjah ôh yua kơ tơlơi pơmĭn phara phara.

Hlơi ih jing tơl ih phat kơđi ƀing ding kơna arăng? Ñu dŏ dơ̆ng ƀôdah ñu rơbuh, anŭn jing bruă khua ñu. Samơ̆ ñu či dŏ dơ̆ng, yua kơ Khua Yang dưi brơi ñu dŏ dơ̆ng.