I Versetti Biblici più popolari da A̱kolosiyawa 1

Condividi

Mat nggu wa san nzi̱t mbwak tyok A̱ta̱nyeang ku yet lyin a̱ni. A̱wot a̱ si̱ shyak nzi̱t a̱ tyia̱ mi̱ Tyok ku yet si̱ Nggwon nggu, nang gu chat a̱ni.

Mat nggu wa yet vak hu nang A̱gwaza mmat kuzang kyang ku shya̱ tswazwa ma̱ng a̱byin a̱ni. Nggu wa nyia̱ nkyang nang zi̱ nwuan a̱ni, ma̱ng si̱ nang zi̱ nwai nwuan a̱ni; kidee: a̱cha̱chet chuchuk tyok, lyulyoot ntyok, a̱yaakwak a̱son, ma̱ng ntyok; bibya yet a̱yaata̱m tswá nang á̱ nwai nwuan a̱ni. A̱mgba̱m nkyang nang á̱ mat mi̱ swanta hu a̱ni, A̱gwaza wa tyia̱ Kristi si̱ nyia̱ na; a̱wot kuzang kyang nshya̱, da̱nian ku ka nwuak gu shi.

A̱ nshya̱ neet nang á̱ ka̱n nyia̱ kuzang kyang bah. A̱wot nggu wa ba̱ng a̱mgba̱m nkyang na dundung nang á̱ mat mi̱ swanta hu a̱ni.

Kristi tyia̱ a̱tyubishyi nang á̱ nwuan a̱ni. A̱ si̱ tyai A̱gwaza nang á̱ nwai nwuan ma̱ng á̱ghyi a̱ni kpa̱sai. A̱ ku nshya̱ neet nang á̱ ka̱n mat kyang mi̱ swanta hu bah. A̱wot a̱ byia̱ a̱tsatsak a̱gba̱ndang tyok tazwa a̱mgba̱m kuzang kyang nang á̱ mat mi̱ swanta hu a̱ni.

Mat a̱nia, neet a̱tuk nang zi̱ ku ntsa fa̱k nkhang nani tazwa nyin a̱ni, zi̱ ni̱ naai A̱gwaza da̱nian nyin kuzang jen. Zi̱ naai A̱gwaza gu tyia̱ nyi lyen kyang hu nang gu chat a̱ni shansham. A̱wot gu nang nyin mumwang A̱za̱za̱rak Ntswa ma̱ng si̱sak ji nang nyi na nfi̱k kuzang kyang ku yet si̱ A̱gwaza a̱ni. A̱nia wa, nyi na nswan swat ku na nwuak A̱gwaza shi, a̱wot ku myim nggu kuzang jen a̱ni. Nyi bu nyia̱ kuzang tangka̱i a̱tan nta̱m. Nyi bu mban lyen A̱gwaza hu shansham ba̱t, kuzang jen.