I Versetti Biblici più popolari da Zakaraea 9

Condividi

Kei gamu na tinoni pa Zaione, mi koa qetuqetu! Kei gamu pa Zerusalema, mi kukili vala beto! Doṉo la, sa mia Baṉara si korapa mae koa gamu, toṉotona meke na hinarupu si tago ia Sa va pepekae meke koi Nana pa keke tuna doṉ'ki.

Kote vagi pani Rau sari totopili varipera pa Iparemi meke sari hose varipera pa Zerusalema, meke sa bokala varipera si kote ta moku palae. Asa kote tozi vura nia sa binule koari na butubutu. Sa Nana binaṉara si kote podalae pa Kolo Matena kamo la koasa lamana pa Meditareniani, meke podalae pa Ovuku Iuparetisi kamo la koari na hukihukirina sa popoa pepeso.

E Zihova dia Tamasa kote harupi koasa rane asa gua sa sepati koari nana rovana sipi. Kote pinopinoro si arini pa Nana popoa guari na patu ṉedala koasa toropae baṉara.