I Versetti Biblici più popolari da Erĩbĩsũlĩrwa 7

Condividi

Enyũma wʼemyatsi eyĩ monalangira, neryo, lebaya, habya endeko nene, eyo mundu ate angatoka eriganza. Endeko eyĩ yalũa oko buli kĩtũnga, nʼebihanda byosĩ, nʼabandu bosĩ, nʼemĩbũge yosĩ. Babya bimene embere wʼekĩtũmbĩ kyʼobwami, nʼembere wʼEkyana kyʼEmbũlĩ, ibambite esyokanzu nyeru-nyeru, kandi ibawite oko mitahi yʼamabondo omo byala byabo.

Nabo mobabirikira omo mulenge munene bati, Erilama lyetu lĩkalũa uku Nyamuhanga wetu, oyo wĩkere oko kĩtũmbĩ kyʼobwami, kandi lĩkalũa oko Kyana kyʼEmbũlĩ!

Kusangwa, Ekyana kyʼEmbũlĩ oyuli omo katĩkatĩ kʼekĩtũmbĩ kyʼobwami, asyabya mũlĩsya wabo, kandi asyasondolabo oko syongũnũnũko syʼamagetsi wʼengebe; kandi Nyamuhanga asyasangula obuli mĩsonĩa oko meso wabo.

Busana nʼekyo bakahangana embere syʼekĩtũmbĩ kyʼobwami kya Nyamuhanga, kandi bakamukolera omo musibo nʼomo kiro omo Hekalũ yiwe. Nʼoyo wĩkere oko kĩtũmbĩ kyʼobwami asyĩkala omo katĩkatĩ kabo. Kandi Sĩbendĩsyakwa enzala, kutse enyota, kutse eryuba, kutse erĩhũhana sibyendisyahĩsyabo.

Omũlaĩka oyo mwabũga ati, Sĩmwagalaye ekihugo, kutse ngetsi, kutse miti, tute twahĩra ekiminyikalo oko mbũmo syʼabagombe ba Nyamuhanga wetu. Kandi monowa emiganzo yʼabo abahĩrawa kwʼekiminyikalo, ni elfu ĩgana, nʼamakũmĩ ani nʼĩnĩ (144,000), bakalũa oko buli kihanda kyʼabana ba Ĩsraelĩ.