I Versetti Biblici più popolari da Abaebrania 12

Condividi

Nĩkwa ĩtwe, kusangwa tũtĩmbĩrweko nʼendeko nene yʼabalangĩrĩ, tũyĩlũsaye kwʼebyosĩ ebĩkatũkakĩraya, nʼebibi ebikatuhamba, tutibite nʼerĩyĩyĩnĩa omo matangwa awali embere syetu. Neryo tũhĩre ameso wetu uku Yesu oyukatuleta okwʼĩkĩrĩrya nʼoyũkaberererayalyo. Kusangwa Yesu mwayĩyĩnĩa oko musalaba, abya asĩ obutseme obwasyabya buwe, kandi mwatalebya esĩsonĩ syago nga kindu. Lino ĩkere oko luhande lwʼamali lwʼekĩtũmbĩ kyʼobwami kya Nyamuhanga.

Erikunga lyosĩ riri nga bũlĩge oko katambĩ kake, butsira obutseme. Nĩkwa enyũma likaleta emĩbĩrĩ yʼobuholo nʼeritunganene omo mitima yabo, ukwʼabo babĩrĩkangĩrĩrĩbwa mulyo.

Mukwamirire nʼomũhwa eribya nʼobuholo nʼabandu bosĩ, kandi mukwamirire eribya nʼengebe ĩbũyĩrĩre. Oyũtabũyĩrĩre siendisyalola oko Mukama.

Neryo mũganĩraye Yesu oyo wayĩyĩnaya omo bũyĩgũ bwʼabakola-nabi, neryo simuluhe kutse erioloba omo mitima yenyũ.

Neryo tubye nʼewasĩngya, kusangwa tukabana obwami obutetoka erĩsũka-sũkanĩbwa. Tukolere Nyamuhanga nʼerĩmũtsemesya, tumukenge nʼerĩmũsĩkya.

Neryo mũyĩyĩnaye omwʼikungwa erĩ, kusangwa Nyamuhanga akabakola ngʼabagala buwe. Kusangwa omugala ni wahi oyo tata wuwe sialikunga kwehĩ?

Kusangwa Nyamuhanga wetu ni muliro owakatogotaya.

Kusangwa abotata wetu mobatukunga akatambĩ kake ngoko baganĩraya bati litolere. Nĩkwa Nyamuhanga akatukunga eritukola ndeke, itwatoka erisangira obũbũyĩrĩre buwe.

Omo malwa wenyũ nʼebibi, sĩmwetahĩka aho bakũta omusasi wenyũ.