I Versetti Biblici più popolari da Abanya Kolosaĩ 3

Condividi

Neryo muganyirane, mubuyirane omugulu omundu awite omwatsi oko gundi. Ngoko Mukama ababuyira, nenyũ ko mwangabuyira abandi bo mutya.

Mũhĩre obũlengekanĩa bwenyũ oko myatsi yʼendata, butsira oko myatsi ya muna-kihugo.

Ebyosĩ mukakola, mukole nʼomutima gʼomuhwa, nga mukakolera Omukama, butsira bandu.

Neryo muli bandu ba Nyamuhanga. Abiribanza, abiriyisoga nywe. Busana nʼekyo muyire emitima yʼeriganyira, omutima wʼobubuya, owʼerĩyĩkehya, owʼobolo, owʼeriyibombeka.

Ebĩnywa bya Kristo, omo bubuya bwabyo bosĩ, bĩkale omo mitima yenyũ. Mũkangĩrĩranaye, nʼerihana obuli mundu mũlĩkyabo omo menge gosĩ. Mwimbe esyonyimbo, esyonyimbo syʼeripipa, nʼesyonyimbo syʼerĩramya, mwimbire Nyamuhanga nʼemitima yʼewasĩngya. Nʼebyosĩ mukakola, omo kĩnywa, kutse omo mũbĩrĩ, mukole ebyosĩ omo lĩna lyʼomukama Yesu, imunemuha ewasĩngya uku Tata Nyamuhanga busana na Yesu.

Kandi kwilaba ebyosĩ, muyire omutima wʼolwanzo olũkahĩkanaya ebyosĩ haguma omo buguma.

Neryo kusangwa mwabĩrĩlũbũkĩbwa haguma na Kristo, mũhĩre emitima yenyũ oko myatsi yʼendata aho Kristo ĩkere oko luhande lwʼamali lwa Nyamuhanga.

Neryo muleke Obuholo bwa Kristo butabale emitima yenyũ. Kusangwa mwabiribirikirwa na Nyamuhanga eribya nʼobuholo obo haguma, omo mubiri muguma. Kandi mubye bandu bʼewasĩngya.

Neryo mwĩte esyongumbu syenyũ syʼekihugo, syesĩ: erĩsĩngĩra, ebĩtĩsĩrĩre, engumbu nyibi, erisonda ibi, nʼobururu bʼomũsĩndo wʼerikwama esyosanamu.

Kusangwa mwabirihola, na lino engebe yenyũ ĩbĩseme haguma na Kristo omwisi wa Nyamuhanga.

Nĩkwa lino, nenyũ mugane eyosĩ eyĩ: erihitana, eriagalirwa, ekĩnĩga, eritsuma; kandi Sĩmũbũge ebĩtĩsĩrĩre.

Muleke eribihirana, kusangwa mwabirigabana nʼomundu wa kera nʼemĩbĩrĩ yiwe. Kandi mwabiriambala omundu muhya-muhya, oyo Nyamuhanga, mũhangĩkĩ wuwe akabindula, itwatoka erimusosa nʼerimuminya ndeke.

Abĩba, mwanze abakalĩ benyũ, simukale kubo.

Abana, mowe ababũtĩ benyũ omo myatsi yosĩ, kusangwa ekĩ kĩkatsemesaya Omukama.

Abakalĩ, mowe abĩba nywe, ngoko litolere imwakola ngʼAbakristo.