I Versetti Biblici più popolari da 1 Tĩmoteo 1

Condividi

Ekĩ nĩ kĩnywa kyʼekwenene ekitolere erĩrĩgwa kiti, Kristo Yesu mwasa omo kihugo busana nʼerĩlamya abakola-nabi. Nage indi mukola-nabi kwilaba bosĩ.

Nĩkwa busana nʼomwatsi oyũ Nyamuhanga mwanyiganyira, neryo Yesu Kristo atoke erĩkangya eriyibombeka liwe busana nage, ĩngye mukola-nabi kwilaba abosĩ. Nyibye ekĩmĩnyĩsyo busana nʼabosĩ abasyĩkĩrĩrya Kristo nʼeribana engebe yʼerikota.

Nĩkwa enzumwa yʼerihana lyetu ni lwanzo olũkalũa omo mutima owerĩre, nʼobunya-mutima bubuya, nʼerĩkĩrĩrya lyʼekwenene.

Neryo erĩsĩkya nʼolukengerwa bya kera na kera bibye oko Mwami Wʼerikota, oyutehola, kandi oyutelolawako, ye Nyamuhanga ĩyowene-wene. Amina.

Kusangwa tũnasĩ Emigambo moyĩtahĩrwa busana nʼomundu utunganene, nĩkwa busana nʼabakagana erihanwa, nʼabakapona, kandi busana nʼabatekenga Nyamuhanga, nʼabakola-nabi, kandi busana nʼabatesoma, nʼabakaseka ekisomo; kandi busana nʼabakĩta tata wabo kutse koyo wabo; kandi abĩtĩ bʼabandu, kandi busana nʼabasĩngĩrĩ, kutse busana nʼabalume abakatetana, kutse abĩbĩ bʼabandu, nʼababehĩ, nʼabandu abakalega bandi, nʼeyindi myatsi yosĩ eyikagana erĩkangĩrĩrya lyʼekwenene.