I Versetti Biblici più popolari da Noo Mark 11

Condividi

Shen‐y‐fa ta mee gra riu, Cre‐erbee ta shiu dy yeearree ayns padjer, cred‐jee dy vow shiu ad, as bee ad eu.

Son dy firrinagh ta mee gra riu, Quoi‐erbee jir rish y slieau shoh, Bee er dty scughey, as er dty hilgey ayns y cheayn, as nagh jean mee‐ourys ayns e chree, agh ta credjal dy jig ny reddyn t’eh dy ghra gy‐kione, bee shen ny jir eh er ny chooilleeney.

As tra vees shiu shassoo dy ghoaill padjer, leih‐jee my ta nhee erbee eu noi dooinney erbee: dy vod nyn Ayr mygeddin t’ayns niau nyn loghtyn y leih diuish.

As dreggyr Yeesey as dooyrt eh roo, Soie‐jee nyn gredjue ayns Jee.

As dynsee eh ad, gra, Nagh vel eh scruit, Bee my hie’s enmyssit liorish dy chooilley ashoon, thie yn phadjer? agh ta shiuish er n’yannoo eh ny ooig dy vaarlee.

As adsyn hie roish, as y vooinjer haink ny yeï, deïe ad, gra, Hosanna, bannit ta eshyn ta cheet ayns ennym y Chiarn.

Bannit dy row reeriaght yn ayr ain David, ta cheet ayns ennym y Chiarn; Hosanna ayns yn yrjid.