I Versetti Biblici più popolari da Orɔm 2

Condividi

Ǹ nə́ ǹ bùl bə̀ ǹ gə nə́ ǹ kɛ́ ǹ dwã bɛ́ byɛ̀bɛ́ bə̀ nʼê wɛ̀rhɛ́ èta mɔ́ bùrsì, ǹmyɛ́ ǹdə́ bə̀myɛ́ ga tùntwə̃̀ə̃̀ né jʼà wɔ́ rə̀dù, ǹ bʼâ lú Yi bùrsí yé né? Yi wɔ́ wu-bɔ̀nɔ̀ cí, rə̀ tʼâ pɔpwɛrɛ ǹdə́ yò yé. Sə ǹ nə bə̀ká tə̀ rə̀myɛ́ yil ń fulsi ri yé. Lwar bə̀ rə̀ gə́ nʼê wɛ̀rhɛ́ wu-bɔ̀nɔ̀ èta mɔ́, wɔ́ yál rə̀ nʼê yâl bə̀ ǹ pyìrhí ǹ wu.

Ǹmyɛ́ mɔ̀bɔ́ ǹ nə́ ǹ kɛ́ ǹ dwã bɛ́ bùrsì bə̀ bə̀ dó mó, wɔ́ ǹ cìcì nyɛ̌sɛ́ ǹ nə́ ǹ kɛ́. Bá ǹ gə wɔ́ nɛ́ yil myɛ, ǹ gə nə́ ǹ kɛ́ ǹ dwã bɛ́ bùrsì, ǹmyɛ́ ǹdə́ bə̀myɛ́ ga tùntwə̃̀ə̃̀ né jʼà wɔ́ rə̀dù mú ce, ǹ tá ǹ la bwìrì nɔ yé.

Zhə̀nà, bə̀myɛ́ ga wɔ́ kɔn rə̀dù Yi yé né.

È də̀ byɛ̀bɛ́ bə̀ só Muyiisi nyə́ né cilu mú bə̀ kʼê bə dóó zhe yé. Wɔ́ byɛ̀bɛ́ bə̀ nʼê cili ni, bə zɛ̃̀ bə̀ nʼê wɛ̀rhɛ́ ǹdə nə̀ gə́ nʼê byili ní mú bə̀ bə dóó zhe yé.

Rə̀ bʼa kwɛ̃̌ lò gakó kɔn mɛrhɛ ǹdə́ ǹ tùntwə̃̀ə̃̀ né.

Sə rə̀ lyim bʼa cààsɛ̀ ǹdə́ byɛ̀bɛ́ bə̀ tʼâ shɛ̀nɛ́ rə̀ nyí ni, bə jʼà bə shɛ̀ zhə̀n dɛ́ yò mó, bə̀ gə́ nʼê yẽ̌ bə̀ cìn nì bə̀ pɛ lwɛlɛ rɛ́ nɛ mɔ́ yilə.

Sə ǹ nə́ ǹ wɛ̀rhɛ́ yó-kùlù, ǹ bə shɛ̀ ǹ wu pyìrhú yé. Wɔ́ rə̀myɛ́ è ce, Yi lyim bʼa zɛ̃̀ ǹdə́ mɔ́ dɛ̃ rɛ́ tɛ̀bɛ́ rə̀ la bùrsí kɔ́ ǹdə́ zhə̀n mɔ́ yùwə̀.