I Versetti Biblici più popolari da Ị́bũrũ 6

Condividi

Tãlâ tã ꞌdî ꞌbá yî rî ãmâ ậtı̣̃lı̣́ tũ gạ́gạ́ Ôvârí rú, gõꞌdá rî kpá lạ́tı̣̂ njı̣̃lı̣́ trậ ãmâ drí fĩzó kôrô mbı̣̂ võ lânjã Ôvârí drí rĩzó ꞌá lâ ꞌbũû ꞌálâ nã ꞌá. Mã îcâ trá fĩlí kôrô ítá gólâ ạ́tı̣̃ tı̣́ võ lânjã rî ꞌdĩ kâ rî ũgúlı̣́ lésĩ, nĩꞌá kôrô âdrélé mbı̣̂ Ôvârí ândrá.

Tã pạ̃tı̣́ı̣̃ ró, Ôvârí rî tã gólâ mbı̣̂mbı̣̂ rî ꞌẽlé ĩꞌdî kárá. Ĩtí rî, tã ꞌẽꞌẽ tãndí ãnî drí ꞌẽlé trá ạ̃kû ró gólâ drí rî já gólâ drı̣̃ı̣̂ sĩ kô. Ôvârí rĩꞌá lõvõ ãníkâ yí drí ãnî drí rĩzó õjílã íyíkâ ậmúlı̣́ tã ꞌẽꞌẽ tãndí ró rî ꞌbá yî sĩ rî ndrẽꞌá.

Gõꞌdá tã rı̣̃ ꞌdî ꞌbá yî tãsĩ rî, tã-drı̣̃ lẽlẽ gólâkâ gõꞌdá kpá lãtrítrí gólâ drí îtrílí trá tã-drı̣̃ lẽlẽ ꞌdî tãsĩ rî bê, rĩꞌá ngá rû jã ꞌbá kô rî ĩꞌdî. Tãlâ tã ꞌdî ꞌbá yî âꞌdâ tã trá kĩ, Ôvârí âꞌdô pạ̃tı̣́ı̣̃ tã lâ yî ꞌẽꞌá. Gólâ îcá kô ãmâ âdólé tã rî ꞌdĩ tãsĩ. Tã tã rî ꞌdĩ ꞌbá yí kâ sõ mbârâkã trá ãmâ gólĩyî rã ꞌbá trá gólâ ngálâ ngá pãlé tã gólĩyî ányâ ró rî ꞌbá yî ꞌásĩ rî ꞌbá yî ꞌá rõô. Tãlâ tã gólĩyî Ôvârí kâ rı̣̃ ꞌdî ꞌbá yî tãsĩ rî, mã îcâ trá tã ãmâ drí rĩzó lı̣̃fı̣́ ꞌbãlé drı̣̃ lâ rî ꞌbá yî rũlı̣́ gạ́gạ́.

Âꞌdô bê trá ĩtí rî, ꞌdõvó ãmâ ãní bê rî õlôpê rû ạ̃tı̣́ ꞌálâ tã gólĩyî Ôvârí drí ꞌbãlé trá ãmâ lı̣̂njı̣́ ꞌbá trá rî yî drí nı̣̃lı̣́ rî ꞌbá yî ꞌẽlé dódó mbı̣̂mbı̣̂. Gõꞌdá mã rî kô rĩꞌá cé tã îtõ-îtõ gólĩyî ãmâ drí ârílí trá Yésũ rî tãsĩ rî ꞌbá yî ꞌẽlé ĩꞌdî. Mã îtõ kô kpá óꞌdí cé tã îmbálé ũgúlı̣́ jãlé tã õnjí ꞌásĩ gõꞌdá tã lẽlẽ ãmákâ ꞌbãlé Ôvârí ꞌá rî tãsĩ.