I Versetti Biblici più popolari da Loˇmaˆ sahˬ boꞈ 4

Condividi

Aˬ yawꞈ jah-eu gʼaˬ maˬ baˬ-iˇ-ehˇ, Miˬyehˇ-euˬ saˇ jaˇ-ahˇ poˆ poˆ laˆ laˆ-ehˇ maˬ noeˬ-a. Jah-eu baˬ da neh nui ma gʼaˬ kʼaˆ laˇ-awˇ, Miˬyehˇ-ahˇ ja ceuˬ-euˬ meh. Miˬyehˇ-aˬ, saˇ jaˇ kʼaˇ dzaˬ taˬ-euˬ loꞈ-ehˇ mˇ byah nya meh lehˇ aˬ yawꞈ ziˬ dah ni jah-euˬ meh.

“Ngaˇ nawˬ-ahˇ tsawˇ jeuˬ gʼawˬ mya jeuˬ-euˬ aˬ da yaw dzahˇ gʼaˬ bi pyeuꞈ laˇ ma” lehˇ, Jaˇliꞈ laꞈ kʼoeˇ aˬ yawꞈ-ahˇ ehˇ taˬ-euˬ meh. Dawˬ ma saˇ jaˇ kʼoeˇ-aˬ, Aˬyaˬhaˬ jah-eu Miˬyehˇ-euˬ mehˬ shi yaw muiˬ meh. Shiˇ-euˬ tsawˇ haˬ-ahˇ bi gʼoꞈ dehꞈ laˇ nya-awˇ, maˬ jaˆ haw maˬ mawˇ haw-euˬ jeˬ-ahˇ dawˬ biꞈ-awˇ bi jaˆ laˇ nya-eu Miˬyehˇ-ahˇ Aˬbyaˬhaˬ jah-euˬ meh.

Aˬ dui-euˬ iˬ baˇ baˬ da neh aˬ yawꞈ-ahˇ sehꞈ-eu gʼaˇ duˬ bi a nehˬ-awˇ, aˬ dui Miˬyehˇ-ahˇ tsaˬ leˇ tsahˇ leˇ nya ni aˬ yawꞈ-ahˇ bi gʼoꞈ dehꞈ laˇ-euˬ meh.

Aˬbyaˬhaˬ-aˬ, noeˬ tmˬ kʼaˇ maˬ paˇ za-euˬ kʼawꞈ, jah-awˇ noeˬ tmˬ-euˬ meh. Kʼoeˇ miˇ neh, “tsawˇ jeuˬ gʼawˬ mya jeuˬ-euˬ aˬ da” pyeuꞈ laˇ-euˬ meh. “Nawˬ-euˬ zaˬ nawˬ-euˬ uˆ deuˬ mˬ taˆ aˬ guiˇ loꞈ-ehˇ jeuˬ le o le tehꞈ-a” lehˇ, Jaˇliꞈ laꞈ kʼoeˇ aˬ yawꞈ-ahˇ ehˇ taˬ-euˬ meh.

Kʼoeˇ miˇ neh, Miˬyehˇ-euˬ saˇ jaˇ kʼoeˇ hmˬ Zahˇ daˬ kʼoꞈ dawˬ mehˬ nah caw teh-eu deuˬ-ahˇ tehꞈ-ehˇ maˬ taꞈ-ehˇ, Aˬbyaˬhaˬ loꞈ-ehˇ jah-eu tsawˇ haˬ deuˬ-ahˇ kʼawꞈ taꞈ leˇ ni, Aˬbyaˬhaˬ-euˬ zaˬ deuˬ uˆ deuˬ dawˬ tawˆ luꞈ-ahˇ yawꞈ ngehꞈ-ehˇ biꞈ nehˬ-euˬ jeˬ pyeuꞈ-eu gʼaˇ duˬ, jah-eu jeˬ-ahˇ taꞈ-eu saˇ jaˇ bi pyeuꞈ-euˬ meh. Aˬ jeˬ miˇ neh ehˇ naˇ, Aˬbyaˬhaˬ-aˬ, guiˬ lahˬ saꞈ laˇ paw aˬ dui dawˬ tawˆ luꞈ-euˬ aˬ da yaw dzahˇ gʼaˬ pyeuꞈ-eu meh.

“Yaw lehˬ yaw ca ngehˇ jiˇ nehˬ-awˇ, iˬ baˇ pyehˬ nehˬ-euˬ tsawˇ haˬ deuˬ, aˇ naˆ ni guiˬ lahˬ huiˬ-eu nga. Yawˬ ha-euˬ iˬ baˇ dawˬ tawˆ luꞈ, Sahˬpaˬ Miˬyehˇ pyehˬ nehˬ-euˬ gʼaˬ, aˇ naˆ ni guiˬ lahˬ huiˬ-eu nga.”

Jaˇliꞈ laꞈ kʼoeˇ boꞈ taˬ-euˬ, “Aˬbyaˬhaˬ Miˬyehˇ-ahˇ jah-awˇ, jah-eu kʼoeˇ hmˬ baˬ da neh aˬ yawꞈ-ahˇ yaw tsaˬ yaw dawˇ tsawˇ haˬ meh lehˇ Miˬyehˇ ha geuꞈ nehˬ-euˬ meh.”