I Versetti Biblici più popolari da Maꞈtehˬ 19

Condividi

Yeˬsuˇ aˬ yawꞈ maꞈ-ahˇ haw tsoˆ-awˇ ehˇ-eu, “Heu-aˬ, tsawˇ haˬ zaˬ jahˇ nya-eu jeˬ maˬ ngeuˇ-a. Ehˇ kʼawꞈ, Miˬyehˇ maˬ jahˇ nya-eu tiˬ jeˬ-iˬ maˬ jaˆ-a.”

Kʼoeˇ miˇ neh, aˬ nyaꞈ-aˬ, nyiˬ gʼaˬ maˬ paˇ ngeuˇ meh. Tiˬ shiˬ tiˬ shaˬ tehꞈ meh. Miˬyehˇ neh yuˇ dzoeˇ taˬ-euˬ gaˇ tsawˇ haˬ zaˬ maˬ ya laˆ gʼawˬ-a.”

Yeˬsuˇ ehˇ-eu, “Aˇ dahˬ beh ngeh, Beh-euˬ yaw sahˇ gʼaˬ tsawˇ haˬ zaˬ-ahˇ beh ngeh neh, kʼaˬ dzeˇ zaˬ hawˇ-eu zaˬ miˬ zaˬ lehˇ beh-euˬ gaˇ kawˆ, Jaˇliꞈ laꞈ kʼoeˇ naw maꞈ maˬ gui mawˇ-aˬ loˇ. Kʼoeˇ baˬ da neh, kʼaˬ dzeˇ zaˬ-aˬ, yawˬ ha-euˬ aˬ da aˬ ma-ahˇ gʼawˬ-iˇ-awˇ, yawˬ ha-euˬ miˬ zaˬ nehˬ-ehˇ dehꞈ taꞈ-eu laꞈ kʼoeˇ, nyiˬ gʼaˬ-euˬ tiˬ shiˬ tiˬ shaˬ tehꞈ-ehˇ ya pyeuꞈ laˇ meh lehˇ, Miˬyehˇ neh ehˇ taˬ-euˬ-meh.

Kʼoeˇ ngeh, Yeˬsuˇ ehˇ-eu, “Zaˬ deuˬ-ahˇ maˬ laˆ tsoeˬ ni ngaˇ jawˇ gaˇ bi laˇ-awˬ. Aˬ jeˬ miˇ neh ehˇ naˇ, Mˬtaˆ Miˇkʼahˬ-aˬ, aˬ yawꞈ maꞈ loꞈ-ehˇ gʼeh-eu deuˬ-ahˇ oꞈ- eu meh.”

Ehˇ kʼawꞈ, heu ziˇ-ahˇ aˬ cawˬ mehˬ hu jawˇ luꞈ-eu tsawˇ haˬ gʼawˬ mya ni, aˬ kaˇ kaˇ ziˇ-ahˇ aˬ cawˬ mehˬ nah ya jawˇ-awˇ, heu ziˇ-ahˇ aˬ cawˬ mehˬ nah jawˇ luꞈ-eu tsawˇ haˬ gʼawˬ mya ni, aˬ kaˇ kaˇ ziˇ-ahˇ aˬ cawˬ mehˬ hu ya jawˇ tehꞈ-a.

Ngaˬ-euˬ mehˬ nah caw teh laˇ-eu gʼaˇ duˬ, yawˬ ha-euˬ nymˇ, mehˇ nmˇ, dmˇ ma, aˬ da, aˬ ma, aˬ buˇ aˬ li, myawˬ dahˬ yaˇ dahˬ, heu deuˬ dawˬ tawˆ luꞈ-ahˇ byehˇ dzeh yaꞈ-euˬ tsawˇ haˬ aˬ geu gʼaˬ maˬ kaˬ, yawˬ ha neh kʼaˇ byehˇ yaꞈ-euˬ jeˬ tiˬ yaˇ bymˇ paˇ za dzehˬ-eu uˬ taꞈ, mˬ maˬ maˬ byaˆ zaˇ ziˇ dehꞈ-eu jeˬ za tehꞈ-a.

Yeˬsuˇ ehˇ-eu, “Nawˇ ehˇ kʼaˇ maˬ za ni byah-eu tsawˇ haˬ pyeuꞈ mawꞈ naˇ, nawˇ kʼaˇ jaˆ-eu jeˬ dawˬ tawˆ luꞈ ahˬ-iˇ-awˇ, ahˬ za-euˬ pyuˇ kʼoeˇ yuˇ-awˇ shaˬ zaˬ zahˬ zaˬ deuˬ-ahˇ biˇ nehˬ-awˬ. Mˬ kʼoeˇ taˆ nawˬ-euˬ pyuˇ shuiˇ myawˬ gahˬ jaˆ laˇ tehꞈ-a. Kʼoeˇ naˇ, paˇ gʼoꞈ poˆ laˇ-awˇ ngaˬ-euˬ mehˬ nah caw teh laˇ-awˬ.”

Yeˬsuˇ ehˇ-eu, “Yaw muiˬ jeˬ-euˬ gaˇ kawˆ, aˬ jeˬ miˇ neh nawˇ ngaˬ-ahˇ naˇ haˬ te. Muiˬ-eu-aˬ, Miˬyehˇ tiˬ gʼaˬ tehꞈ meh. Dehꞈ-eu jeˬ laꞈ kʼoeˇ nawˇ uˇ leˇ mawꞈ naˇ, zahˇ dawˬ kʼoꞈ dawˬ-ahˇ caw teh-awˬ.”

Ngaˇ tiˬ poˆ paˇ ehˇ duˬ nehˬ nyaˇ. Smˇ muiˬ smˇ baw tiˬ gʼaˬ Miˬyehˇ Miˇkʼahˬ-ahˇ uˇ leˇ-eu-aˬ, law taw tiˬ mawˇ aˬ gʼawꞈ gʼawꞈ naˬ-ahˇ uˇ leˇ-eu naˆ maˬ tseˇ kʼaˆ dzehˬ-eu meh.”

Naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ na, yawˬ ha-euˬ miˬ zaˬ aˬ cawˬ nehˬ-ehˇ maˬ bahˬ-euˬ gaˇ kʼoꞈ dzeh-awˇ, miˬ zaˬ yawˬ gʼaˬ yawˬ sheuˬ paˇ naˇ, zaˬ miˬ zaˬ kʼoeˇ gʼaˬ-ahˇ bahˬ-euˬ meh.”

Kʼoeˇ ngeh, zaˬ lahˇ deuˬ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Ngaˇ naw maꞈ-ahˇ maˇ jawˆ ni ehˇ-eu ma. Smˇ muiˬ smˇ baw deuˬ Mˬtaˆ Miˇkʼahˬ-ahˇ uˇ leˇ-eu shaˬ dui dui meh.