I Versetti Biblici più popolari da Itorati 4

Condividi

Kaanyuma aya mwommo mwiilhaponi mmo, nnokowaathotha Apwiiya Nlhuku inyu, ni vavawo nnoowa mwaapatta mwaathothaka wo nrima wonkhaye ni wo nnepa wonkhaye.

Ni ayo, Apwiiya Nlhuku inyu, phi Nlhuku o ikiriri, khanowa oohiyani wo urimeelhihani, ukhalhawaya khanolhiyalha malhehano aalhenanne aya ni manyaapwiiya inyu wo ulhupelhihana.

Ukhalhawaya Apwiiya Nlhuku inyu, phi mooro unopaha.” Yayo phi Nlhuku o ihache.

“Nansho inyuva nkhalheke miitho mwiiichinanelhaka chinene nhiwe mwaalhiyalha chittu choonilhe inyu wo miitho inyu mwaashinene chilhe. Ihiwe yaakhumelhelha ata vamoka muukumini mwinyu chechiyo chittu chiyo, nkachaalhiyalhiya mmamirimani mwinyu. Mmweeke mwaahimiachera achishaana inyu ni ashichulhu inyu.

Paahi etu, muupuwelheke lhelho ni ushungerera mmamirimani mwinyu wiira, Apwiiya Nlhuku, phi Nlhuku rii uchulhu wiirimu, ni vathi velhaponi va, mena khaawo nkina tho.

“Khaniwo nikosho nirinoothe ata nunnuwaka chani niiri vakhiviru ni nlhuku aya thoko chinre awe Nlhuku wo unaatameria hii, Apwiiya Nlhuku, Nlhuku ihu vanaalhapelha ihu wiira anikavihere.

Vanohalha inyu uhuva, nkawoopattani yoyo mwaha wonkhaye uyo, vavawo nnoowa mwaarukunuwa ni waahokolhelha Apwiiya Nlhuku ni waarumelhelha.

Nhuncherere ittu iriyoothe nhina chilha iamuri chinouvahaakani chilha, ni mena nhiwukulhe ittu, nansho nvarechesheke iamuri cha Apwiiya Nlhuku inyu, alha chinouvahaakani chilha.