I Versetti Biblici più popolari da METHU 28

Condividi

Hopa inge ho hikha ganda atañ ho henjeajiñ lyidopa miinge, baptisma bingelya Aba ho Oho ho Darii Yajiyallo ka armyañ pa, tonsḛr tolya hikha ngiika nunumika lujubiniiñmi tatolya hiila; ho kato, Ngo nunuka agiñho kiirañ dabo talyike, kiiddimiidoh ka dodo hemi.”

Ho Jisu ahtii ho mohlumi lutii, “Hikha yapuñ la kiiddiapiñ nyika otority mi ngiimi bitola do.

Miidopopi lutii annii akha anyemi, “Biisoyo; niimpalukoda ngo chindo niinyi Jisu mi melada humina leda lala mentiinii. Mo so nyikumake; niimpalukoda mo turi neku, mo luniiñ chulipa. Ahla, kakatocho nohna mohmi atii biinenii.

Ho Jisu mohlumi lutii, “Biisoyo; inge ho lukohe ngiika anubarmii atañmi Galili ho inge hiila, ho hiikoho mohlu ngiimi kappa kendoke.”

Ho mohlu amiabañ atañmi dakuñ kiine lala ho taka siila la, mohlu sipahi mi tiicko bitii. ho lutii, “Miyu atañmi lukoto, Mohka henjeajiñ atañ ayoh ho ahla ho mohmi jopyo biine ngunuka imi laka doho. Ho si matiirḛ govonor ka yaroo ho ahchi lyimilo, ngunu luko lubyañ talyike ho nunuko hang ahiare ahke nente make.” Hopa mohlu tiicko mi labiitii ho mohluka luniiñ chulipa miitii; ho siika lukonii hii siilo jalopa Jew atañka punkoho tapa takañla do.