I Versetti Biblici più popolari da Yakaunpaus 3

Condividi

Tiamsis lub tswvyim uas los saum ntuj los yog lub uas zoo tshaj txhua yam. Lub tswvyim ntawd yog kev sib haumxeeb, paubcai, haislus zoo, nrog luag ua phoojywg, tabncuab lwmtus, muab siab rau ua haujlwm zoo, tsis xaiv leejtwg ntsejmuag thiab tsis zais siab.

Hauv nej cov, yog leejtwg muaj tswvyim thiab totaub, cia tus ntawd qhia kom sawvdaws pom tias nws ua tau lub neej zoo, ua tau haujlwm zoo nrog kev txo hwjchim vim yog nws muaj tswvyim.

Cov uas ua rau sawvdaws nyob sib haumxeeb, yog lawv cog kev sib haumxeeb thiab lawv yuav tau sau kev ncajncees.

Qhovtwg muaj kev sibkhib thiab muaj neeg ntshaw ua tus hlob, qhov ntawd yeej muaj kev kubntxhov thiab muaj txhua yam kev phem.

Peb siv tus nplaig qhuas Vajtswv uas yog peb Leejtxiv, thiab siv foom tej neeg uas Vajtswv tsim muaj tus yamntxwv zooli Vajtswv. Lolus qhuas Vajtswv thiab lolus foom neeg puavleej tawm hauv tiblub qhovncauj los. Cov kwvtij, tsis tsimnyog yuav muaj li ntawd.

Tus nplaig zooli hluavtaws, nws yog ib yam phem kawg hauv ntiajteb uas kav peb lub cev. Nws ua rau neeg puastsuaj tau, ua rau neeg lub neej piamsij tag, vim nws zes tau hluavtaws hauv ntujtawg los.

Tiamsis tsis tau muaj leejtwg muaj peevxwm cob tau tus nplaig. Tus nplaig phem thiab tswj tsis tau li, nws puvnpo tej taug uas lom neeg tuag.

Cov kwvtij, nej coob leej tsis txhob ntshaw ua xibhwb, rauqhov nej yeej paub tias peb cov uas yog xibhwb yuav raug Vajtswv txiavtxim nruj dua lwmtus.