I Versetti Biblici più popolari da Yakaunpaus 1

Condividi

Cov kwvtij, thaum nej raug ntau yam kev nyuajsiab, ciali suav hais tias tej ntawd yog koobhmoov zoo kawg. Rauqhov nej paub tias thaum nej txoj kev ntseeg kovyeej tej kev simsiab, yuav ua rau nej muaj peevxwm tiv taus.

Tiamsis yog nej leejtwg tuncua tswvyim, kom nws ciali thov ntawm Vajtswv, Vajtswv yuav pub rau nws, rauqhov Vajtswv yog tus muaj siabdawb siabzoo thiab pub ibpuas tsavyam rau sawvdaws.

Cov kwvtij uas kuv hlub, nej yuavtsum ncontsoov li no: txhua tus yuavtsum maj mloog, tiamsis tsis txhob maj hais, thiab tsis txhob maj npautaws.

Nej yuavtsum ua siabntev mus li tsis txhob tsotseg, nej thiajli ua tau neeg zoo kawg nkaus, tsis muaj ib yam uas yuav tuncua li.

Nej yuavtsum ua rawsli Vajtswv Txojlus tiag-tiag, tsis txhob yog lam mloog xwb es yus rov dag yus tuskheej.

Tus uas ua siabntev tiv taus tej kev simsiab, tus ntawd yuav tau nyob kajsiab lug, rauqhov thaum nws tiv dhau tej kev simsiab lawm, nws yuav tau txais lub kausmom txojsia uas Vajtswv twb coglus tseg lawm hais tias Nws yuav muab rau tus uas hlub Nws.

Txhua yam uas zoo thiab txhua yam koobhmoov uas zoo kawg nkaus yog los saum ntuj thiab los ntawm Vajtswv tus tsim lub hnub, lub hli, thiab tej hnubqub. Lub hnub thiab lub hli yeej ua rau lub ntiajteb txawj kaj txawj tsaus, tiamsis Vajtswv yeej zooli qub.

Tus uas mloog Vajtswv Txojlus tag lawm tiamsis tsis ua rawsli tej lus ntawd, tus ntawd zoo ib yam li tus uas saib nws lub ntsejmuag hauv daim iav. Thaum nws saib tag thiab tawm mus lawm, nws twb tsis nco hais tias nws lub ntsejmuag zoo licas.

Txoj kevcai uas Vajtswv tus uas yog peb Leejtxiv suav hais tias yog txoj dawbhuv thiab tseeb yog li no: nej yuavtsum pab cov pojntsuam thiab cov menyuam ntsuag uas raug kev txomnyem thiab ceev nej tuskheej kom dhau ntawm ntiajteb tej kev phem kev qias.

Yog leejtwg raug kev simsiab, tus ntawd tsis txhob hais tias, “Vajtswv tabtom sim kuv siab.” Rauqhov kev phem yeej sim tsis tau Vajtswv, thiab Vajtswv yeej tsis sim leejtwg siab. Tiamsis tus uas raug simsiab, yeej yog nws lub siab uas nyiam ua phem coj thiab rub nws mus ua.

Tus ntseeg uas pluag, nws yuavtsum zoosiab thaum Vajtswv tsa nws lub neej