I Versetti Biblici più popolari da Henplais 5

Condividi

Tiamsis tej zaub-mov tawv tsuas yog cov hlob lawm xwb thiaj noj taus. Lawv twb xyaum los lawm lawv thiaj paub tias yam twg phem thiab yam twg zoo.

Nimno twb tsimnyog nej ua taus cov uas cobqhia lawm, tiamsis tseem yuavtsum muaj neeg muab Vajtswv zaj lub hauvpaus los qhia nej dua. Twb tsimnyog nej noj taus tej zaub-mov uas tawv lawm, tiamsis nej tseem noj mis xwb! Leejtwg uas tseem noj mis tus ntawd yog menyuam yaus, nws yeej tsis paub tej lus qhia uas hais txog kev ncajncees.

Txawm yog Yexus yog Vajtswv tus Tub los Nws tseem kawm tau txoj kev mlooglus los ntawm tej kev txomnyem. Thaum Vajtswv ua rau Nws mus txog qhov uas tiav lawm, Nws thiaj yog tus uas pub tau txojsia ntev dhawv mus ibtxhis rau txhua tus uas mloog Nws lus.

Thaum Yexus tseem ua neej nyob hauv ntiajteb no, Nws thov Vajtswv tus uas cawm tau kom Nws dim kev ploj kev tuag, Nws thov los ntawm lub suab quaj uas nrov thiab los kuamuag. Vajtswv mloog Nws tej lus thov, vim Nws txo hwjchim thiab muab Nws txojsia tso plhuav rau Vajtswv kav.