I Versetti Biblici più popolari da Kaulauxais 3

Condividi

Ib leeg yuavtsum ua siabntev rau ib leeg thiab thaum twg uas nej ib leeg tau ua txhaum rau ib leeg lawm, nej yuavtsum sib zamtxim. Nej yuavtsum zamtxim ib yam nkaus li Vajtswv tau zamtxim rau nej lawm.

Nej yuavtsum muab siab npuab rau tej uas nyob saum ntuj ceebtsheej, tsis yog yuav muab siab npuab rau tej uas nyob hauv ntiajteb no.

Txhua yam uas nej ua, kavtsij rausiab ntso ua ib yam li nej ua rau tus Tswv, tsis yog ua rau tibneeg.

Nej yog Vajtswv haivneeg; Vajtswv hlub nej thiab tau xaiv nej los ua Nws tug lawm, yogli ntawd, nej yuavtsum muaj txoj kev tabncuab lwmtus, muaj lub siabdawb siabzoo, txo hwjchim, muaj lub siab mosmuag, thiab muaj lub siabntev.

Cia Yexus Khetos tej lus nyob puvnpo rau hauv nej lub siab. Nej ib leeg yuavtsum ua tibzoo qhia thiab qhuabntuas ib leeg los ntawm txhua yam tswvyim. Nej ciali siv Daviv tej nkauj, tej nkauj qhuas Vajtswv, thiab tej nkauj uas hais txog kev ntseeg; nej ciali hunkauj qhuas Vajtswv thiab ua nws tsaug hauv nej lub siab. Yogli ntawd, txhua yam uas nej ua lossis nej hais, yuavtsum yog ua nyob rau hauv tus Tswv Yexus lub npe, thiab ciali ua Vajtswv uas yog peb Leejtxiv tsaug los ntawm Yexus lub npe.

Qhov uas tseemceeb dua tej ntawd huv tibsi yog nej ib leeg yuavtsum hlub ib leeg tiag-tiag. Qhov kev hlub ntawd thiajli yog qhov uas yuav qaws tau txhua yam los nyob koomxeeb tau uake.

Nej twb nrog Khetos sawv hauv qhovtuag rovqab los lawm, yogli ntawd, nej yuavtsum muab siab rau nrhiav tej uas nyob saum ntuj ceebtsheej, uas yog qhov chaw uas Khetos nyob saum lub zwmtxwv ntawm Vajtswv sab xis.

Qhov uas Khetos hu nej los koom ua ib lub cev twb yog Nws xav kom nej muaj kev kajsiab ntag. Yogli ntawd, nej yuavtsum cia Yexus Khetos txoj kev kajsiab ntawd ua qhov uas tswj nej lub siab. Nej ciali ua Vajtswv tsaug.

Yogli ntawd, ciali muab tej uas ua rau nej lub siab ntshaw ntawm sab nqaijtawv tua kom tuag mus, xwsli: kev nkauj kev nraug, kev ua phem ua qias, kev nyiag nyiam lwmtus, lub siab uas ntshaw ua yam phem, thiab ntshaw luag tug (kev ntshaw luag tug ces zoo ib yam li kev pe dab pe mlom).

Rauqhov nej twb tuag lawm, thiab nej txojsia twb muab zais nrog Khetos nyob rau hauv Vajtswv lawm.

Tiamsis nimno nej yuavtsum muab tej no tso povtseg: kev npautaws, kev uanruj uatsiv, kev sibntxub, kev haislus saib tsis taus lwmtus, thiab tej lus tsiv mloog uas tawm hauv nej lub qhovncauj los.

Nej ib leeg tsis txhob dag ib leeg, rauqhov nej twb muab lub neej qub thiab tej kev phem uas nej ibtxwm ua ntawd tso povtseg thiab nej twb muaj lub neej tshiab lawm. Lub neej ntawd yog Vajtswv tus uas tsim nej niajhnub muab nej hloov kom nej paub Nws thiab muaj tus hwvxyeej zooli Nws.

Nej cov uas yog txiv, nyias yuavtsum hlub nyias tus pojniam thiab tsis txhob ua limhiam rau nws.

Nej cov uas yog menyuam, vim nej yog cov ntseeg Yexus Khetos lawm, yeej yog nej lub luag haujlwm uas nej yuavtsum mloog nej niam nej txiv lus, rauqhov qhov ntawd yog ib yam uas haum Vajtswv siab.

Nej cov uas yog pojniam, nyias yuavtsum mloog nyias tus txiv lus, vim qhov ntawd yog yam uas tsimnyog cov ntseeg Yexus yuavtsum tau ua.