I Versetti Biblici più popolari da 1 Timautes 6

Condividi

Koj yuavtsum siv zog khiav kom kawg koj lub zog ntawm sab kev ntseeg; ncontsoov tuav rawv txojsia ntev dhawv mus ibtxhis uas Vajtswv tau hu koj los txais yuav thaum uas koj lees koj txoj kev ntseeg tabmeeg ntau leej timkhawv.

Rauqhov txoj kev ntshaw nyiajtxiag yog ib tug cag ntawm txhua yam kev phem. Muaj ibtxhia neeg uas ntshaw nyiaj heev, tau tso lawv txoj kev ntseeg tseg lawm, ua rau lawv lub siab puasntsoog nrog ntau yam kev nyuajsiab.

Tseeb tiag, kev ntseeg yeej ua rau peb npluanuj, yog tias peb paub txaussiab rau tej uas peb twb muaj lawm.

Rauqhov peb coj tsis tau ib yam dabtsi los rau hauv lub ntiajteb no licas, ces peb yuav coj tsis tau ib yam dabtsi tawm hauv lub ntiajteb no mus li ntawd thiab.

Hais rau cov neeg uas npluanuj rau tej khoom ntiajteb tiam no kom tsis txhob khavtheeb lossis ciasiab rau lawv tej nyiajtxiag thiab qhov txhia chaw uas yuav txawj ploj mus, tiamsis kom ciasiab rau Vajtswv, tus uas pub txhua yam nplua-mias rau peb tau siv txaussiab.

Cov neeg uas xav npluanuj, poob rau kev simsiab thiab mag tej kev ntshaw lub voj hlua khi, thiaj ua rau lawv lam tau lam ua tej yam tsis zoo thiab ua rau lawv raug mob raug nkeeg; uas muab lawv rub kom poob mus rau txoj kev piamsij puasntsoog.

Hais kom lawv ua qhov zoo, npluanuj rau txoj kev ua tes haujlwm zoo, muaj lub siabdawb siabzoo thiab txaussiab hlo muab tej uas lawv muaj faib rau lwmtus. Lawv ua li no, ces yog lawv npaj nyiajtxiag tseg cia rau lawv ua qhov chaw ruaj-khov tseg rau yav tomntej, kom lawv thiaj yuav ceev tau txojsia uas ntev dhawv mus ibtxhis los ua lawv tug.