I Versetti Biblici più popolari da 1 Petus 3

Condividi

Nyob rau hauv nej lub siab, nej yuavtsum hwm Khetos hais tias Nws yog tus Tswv. Nej yuavtsum npaj txhij los teb cov neeg uas nug nej hais tias vim licas nej muaj chaw ciasiab, tiamsis ua tibzoo teb lawv los ntawm lolus mosmuag thiab txoj kev hwm. Nej yuavtsum saibqab saibhau kom meej-meej, kom thaum nej raug luag txobthuam, cov neeg uas haislus thuam nej tus cwjpwm zoo vim nej yog Khetos cov thwjtim, lawv yuav txajmuag rau tej lus uas lawv hais ntawd.

Rauqhov tus TSWV ntsiantsoov cov neeg ncajncees, thiab Nws mloog lawv tej lus thov; tiamsis Nws tawmtsam cov neeg uas ua phem.”

Nej tsis txhob siv lwmyam sabnraud los ua rau nej zoonkauj, xwsli kev ntxias plaubhau, lossis coj nyiaj coj kub, lossis hnav tej tsoostsho uas kim-kim. Tiamsis cia nej txoj kev zoonkauj yog nej lub siab lub ntsws, uas yog lub siab mosmuag thiab lub siab tusyees uas tsis paub laus, qhov ntawd thiaj yog qhov uas Vajtswv pom tias muajnqis.

Vajtswv Txojlus hais tias: “Yog koj ntshaw lub neej zoo thiab kev kajsiab, koj yuavtsum ceev koj tus nplaig tsis txhob haislus phem thiab ceev koj lub qhovncauj tsis txhob haislus dag. Koj yuavtsum khiav tawm ntawm tej kev phem thiab ua qhov zoo; koj yuavtsum nrhiav kev sib haumxeeb kom kawg koj lub siab.

Thaum kawg no, nej sawvdaws yuavtsum ua ib lub siab, ib leeg hmovtshua ib leeg, ib leeg hlub ib leeg ib yam li kwvtij sibhlub, ib leeg ua zoo rau ib leeg, thiab ib leeg txo hwjchim rau ib leeg. Nej tsis txhob ua phem pauj phem lossis ib tug tsis txhob foom ib tug, tiamsis nej ib tug ciali thov Vajtswv foom koobhmoov rau ib tug, rauqhov thaum Vajtswv hu nej los, Nws yeej coglus tseg hais tias Nws yuav foom koobhmoov rau nej.

Yog nej yeej xav ua qhov zoo xwb, leejtwg thiaj yuav ua tau phem rau nej?

Koj yuavtsum khiav tawm ntawm tej kev phem thiab ua qhov zoo; koj yuavtsum nrhiav kev sib haumxeeb kom kawg koj lub siab.

Yog nej ua zoo es nej raug tsimtxom, yog tias qhov ntawd haum Vajtswv siab, mas yuav zoo dua qhov uas nej ua phem es nej raug tsimtxom.