I Versetti Biblici più popolari da Matío 5

Condividi

Nán tóó ba ma' vee lámmé moo sú"í kan dəg máa pɛ́lı̵́. A̧máa baa ha"u̵ táabələlı̵́, moo a túd nán 'waapád ku̵u̵ dɨ lig tíŋ́ máa vu̵ yu̵. Túlí víí a mbaa ı̵́ yo̧go̧ nɔ́ɔ́ nánán voolı̵́, u̵u̵ ho̧ ba'ad du̵u̵ víí vu̵, u̵u̵ na'an Ba' víí ı̵́ ka dɨ be"ı̵́ yȩ wu̵lı̵́.

Víi mbaa hágá yɛlı̵́ kɔ́ ı̵́ ya túlí wɔgɔ. Kaa tóó ka waa yúú gu̵u̵lı̵́ tée, yú̵gu̵ né.

Du̵u̵d nán ku̵u̵ duu Tayɨɨ kan zó̧ó̧ voo 'waapád máa vu̵ yu̵, moo vú̵ń ho̧ Tayɨɨ ú̵.

Du̵u̵d nán ı̵́ ku̵u̵ dɨ kan go̧o̧m hȩn hí̧í̧lí̧ Tayɨɨ woo kɔ́lı̵́ máa vu̵ yu̵, moo vú̵ń nuŋ ha̧ggú̵.

A̧máa ı̵́ míí, mí o̧d ví, i hí̧í̧ ı̵́ maag víí vu̵ ú̵. Nán ku̵u̵ duun ví kan hȩn ɓı̵́d tée, i ɓá'ad vu̵ Tayɨɨɨ.

“Du̵u̵d nán ı̵́ ku̵u̵ gaa ba bin kan hȩn yȩ́ń tóó tíŋ́ Tayɨɨ woolı̵́ pɛ́lı̵́ máa vu̵ yu̵, moo vu̵ dɔ́ gbaŋ waalı̵́ Tayɨɨ woolı̵́ sú̵'ú̵.

Du̵u̵d nán ı̵́ ku̵u̵ soo to̧o̧g máa vu̵ yu̵, moo Tayɨɨ wú̵ń bee vu̵ waa woo vu̵ yu̵.

Du̵u̵d nán ku̵u̵ dɨ kan zó̧ó̧ ví̧i̧ní máa vu̵ yu̵, moo vú̵ń nuŋ zó̧ó̧ ká̧'a̧dú̵.

Du̵u̵d nán ı̵́ ku̵u̵ duun vu̵ kan zó̧ó̧ ɓı̵́d moo hȩn hí̧í̧lí̧ Tayɨɨ woo kɔ́lı̵́ máa vu̵ yu̵, moo vu̵ dɔ́ gbaŋ waalı̵́ Tayɨɨ woolı̵́ sú̵'ú̵.

Du̵u̵d nán ı̵́ ku̵u̵ ho̧ gíḿ gaad daga vu̵ máa vu̵ yu̵, moo Tayɨɨ wú̵ń ho̧ gíḿ gaad vu̵ á̧ḿ.

“Sey nán u̵u̵ haa ví, u̵u̵ duun ví kan zó̧ó̧ ɓı̵́d, u̵u̵ moo moo ɓı̵́d vu̵ kə́dkə́d yúú víílí vbádná, moo míílí̧ tée, du̵u̵d víw. Zó̧ó̧ a dȩ' ví, ví fóo, moo hȩn sú̵ú̵lı̵́ víí vu̵ dɨ be"ı̵́ gbo̧o̧ ba'a, moo ká vu̵ duun anábi tíŋ́ máa vu̵ kan hȩn ɓı̵́d ı̵́ yo̧go̧ á̧ḿ.

Du̵u̵d nán ku̵u̵ dɨ kan zó̧ó̧ ká̧'a̧d máa vu̵ yu̵, moo vú̵ń nuŋ hág Tayɨɨ ka tad vu̵ ya̧g yúú woolı̵́ máa ú̵.

“Víi mbaa hágá yɛlı̵́ kɔ́ ı̵́ ta̧m zú̵g wɔgɔ. A̧máa ta̧m zú̵g ka san sı̵́ né tée, ba duu kɔ́gɔ nɛ́nná? Duu maan sı̵́ hȩn tóó kɔ́lı̵́ né, ba yɛddu̵ yɛnnée, nán vú̵ń 'ná'awu̵ kan dooɨ.

I kɔ́ hȩn yȩ́ń a kéé sá kɔ́ ı̵́ Ba' víí ı̵́ be"ı̵́ ka kɔ́ hȩn yȩ́ń ka kée né máa wɔgɔ á̧ḿ.”

Tée moo hí̧í̧lí̧ víí a mbaa ‘ee,’ ‘ee,’ tóó tée, ‘áá'a,’ ‘áá'a.’ Hȩn ku̵u̵ ha' moo yȩ vu̵lı̵́ 'waapád máa, vúd Seeɗán woolı̵́.

“Ví ki Tayɨɨ ká o̧: ‘Nɔ́ɔ́ kan nɔ́ɔ́, nú' kan nú'.’ A̧máa ı̵́ míí, mí o̧d ví, i sa̧a̧ moo nán ku̵u̵ kɔ́d ví hȩn ɓı̵́d máa voo sá. Nán tóó ka dȩgȩm lá'ám ka' nag nán tée, a̧m tii ka' nag kpáag, 'yɛ́ddu̵ á̧ḿ.

Nɔ́ɔ́ nag nán móó ka wu̵ zo'om hȩn ɓı̵́d kɔ́lı̵́ tée, a̧m vbəddu̵ gbɔ la zulí. Du̵u̵ ú̵, a̧m tid hȩn dágá fó̧ó̧ móólȩ́, moo Tayɨɨ kan dɔd fó̧ó̧ móó 'waapád vee gə̧ə̧lȩ́. Nag nán móó ka wu̵ zo'om hȩn ɓı̵́d kɔ́lı̵́ tée, a̧m sə̧' gbɔgɔ la zulí. Du̵u̵ ú̵, a̧m tid hȩn dágá fó̧ó̧ móólȩ́, moo Tayɨɨ kan dɔd fó̧ó̧ móó 'waapád vee gə̧ə̧lȩ́.